Yohanis 16:19 - Anahatana ne Anamanaya tau Sou Naunue

¹⁹ Yesus ianei ata nanie oasei tanui reiso iasau osiso ata, “Oasei tau umau rerihon sae wan uasaui sinasi rei si? Wamo oasei tau umau ata potuina tewa nea oyo onooku tewa nea. Ne, potuina tewa oi uhokaku honu tea?

Yohanis 16:19 ပူးပေါင်းရင်းမြစ်များ

Markus 9:32

Oanei sae wan iasaui rei tewa, ne omoniki, reiso oasei tanui tewa.

Yohanis 13:33

We hehuka, potuina tewa nea mka ukatamo tewa nea. Omi mka oninaku. Ne okataku roe rei iake tewa. Areimo, uasau runai osi sio onata arihon akama Yahudi naone nea. Oyo wan uasaui osi omi muie reini honu reini.

Yohanis 14:19

Wan haineke nea oyo sio mai tuniai reini wason Anahatana ne mansiau tewa, mka onooku tewa nea. Ne omi mo, mka onooku sinia. Tau Au mka uamahaiku honu, reiso omi iae mka oamahaimo honu oi.

Yohanis 16:16

Yesus iasau osi ne mampusua ata, “Potuina tewa nea oyo onoo Au tewa nea. Ne mka, potuina tewa honu, uhokaku honu.”

Yohanis 16:18

Oasei sui osa ata, “Iasau ata potuina tewa nea mo, areimo sapan? Ami anei mosa sae wani iasaui rei tewa.”

Yohanis 16:23

Tau rei mo, oasei sae isa arihon Au tewa nea. Atinu mai ia-ia, nanie uasau osimo. Sae man wan oainisiki arihon Amaku tau Au nanaku, mka iruiki osimo.

Yohanis 16:26

Tau rei, omi ruamo oainisi arihoni Amaku tau Au nanaku. Kahurae uainisi arihon Amaku osimo tewa nea.

Yohanis 16:30

Areini mato ami anei ata Ano anei pusire. Ano anina ia seia man tewa na iasei tau Ano rerihon sae man. Areimo tau Ano anei sae wan nanie aseiki naone nea. Areiso reunama aparisaa ata Ano mo, ahokaya on roe Anahatana.”

Yohanis 21:17

Ita Yesus iasei tau Petrus nai osa honu. “Simon, Yohanis anai. Ano mo, anom runa Au te tewa?” Iatinu san rei oyo anoi rekahate pusiki. Tea mo, Yesus iasei tanui nai tonu nea ata anoi runai te tewa. Oyo iasau osi Yesus ata, “Upu, Ano anei pusire. Anei ata au mo, anoku runaya.” Ita Yesus iasau osiki honu ata, “Munata san rei mo, apiara we mansiau wason oparisaa tanuku ia-ia, noo sani ia mamsaka rompau iapiara ne rompau.

Yohanis 6:61

Yesus ianei ata sio wason saka oeu pusui rei wason oana-namanaso pani muie rerihoni ne maunauna waron iasaure osiso rei. Reiso iasau osiso ata, “Openemo oatinu uasau san rei nan tau sae?

Yohanis 7:33

Reiso Yesus iasau osi sio panesi rei. Iahata, “Mka ukatamo potuina tewa nea. Nanie ununiku na urueku ukata Amaku wain iaisosiku uhokaku mai reini.