Yohanis 16:13 - Anahatana ne Anamanaya tau Sou Naunue

¹³ Ne mka Anahatana ne Inaha ihokai. Oyo iatuhetemo rerihoni sae waron titue arihoni Anahatana. Mka iakahaimo na oanei sae man waron titue. Ruai ianamana tewa. Ne isima runa sae waron iatinure arihoni Amaku. Mka isima runa pan muie sapan.

Yohanis 16:13 ပူးပေါင်းရင်းမြစ်များ

Yohanis 12:49

Areimo tau Au mo, uanamana pusu ruaku we maue tewa. Ne uanamana pusu Amaku ne maue. Ia sahoro iaisosiku. Ia sahoro iasau runa sae wan kahurae uasaui osimo.

Yohanis 14:17

Ia rei mo, Anahatana Ne Inaha. Ia mo, mka iatuhetemo rerihon Anahatana ne maunauna waron manisata. Ne sio mai tuniai reini wason oparisaa tau Anahatana tewa, openeso oatarimai. Tea mo, sio mo, oationai tewa. Onooi tewa. Ne omi mo, oationai. Areimo, tau Anahatana Ne Inaha rei ikata runamo na mka iruei pan anomo.

Yohanis 14:26

Ne sani ununiku roe Amaku nea, mka Amaku irui ne Inaha, Ia sahoro iakahaimo. Mka ihokai runa Au we kawasa na iatuhetemo rerihon sae man. Na Ia iae mka iuna anomo rapeka runa maunauna waron uaunaure osimo nea rei.

Yohanis 14:6

Yesus iahata, “Au sahoro arena na oeu roe Amaku. Au sahoro uatuhete sae wan manisate rerihoni Anahatana. Au oi, sahoro una mansia oamahaiso okata Anahatana rotu-tu ria supan. Hasae Au sahoro una arena na oeu roe Amaku.

Yohanis 15:26

Mka tau muie uaisosi Anahatana ne Inaha on roe Amaku na iakahaimo. Mka iatuhete maunauna waron manisata rerihon Anahatana osimo. Anahatana ne Inaha mka isima rerihoni Au.

Yohanis 16:12

Nanie uasau panesi osimo asi, ne muie reini omi oatarimare ia-ia tewasi.

Yohanis 3:32

Isima rerihoni sae waron inoo runa iatinure roe noiyaha nea. Ne sio panesi oparisaa tau sae waron iasau runare rei tewa.

Yohanis 8:38

Sae waron uatuhetere osimo reini mo, pusire unoo oni ukata Amaku. Omi iae, ouna sae waron oatinu arihoni mo ama.”

Atata 11:28

Ia mamsimane isa wain nanai Agabus iamanou runa sio wason oparisaa, oyo ihitioi roe. Isupu kawasa rerihoni Anahatana Ne Inaha na isima runa pan muie mka sapan. Iahata, “Potuina tewa nea, oyo sio pusiso sui tuniai reini mo, osupu muaine tewa nea.” (Poe oyo, ereeu san rei sirinia pannuhu Klaudius wain ia natu.)

Atata 20:23

Hasae uanei ata noi niana pusire, Anahatana Ne Inaha isima osiku nea ata mka sio onusuku pan pui anoe runa ouna sinsaraku.

Atata 27:24

oyo iasau, ‘Paulus. Pene anom reuponu. Kahurae ano amanane ia Natu Kaisar. Atinu. Anahatana anoi iake tau ano reiso sio wason osaa kapane rei okataya mka oamahaiso oi.’

2 Tesalonika 2:12

Anahatana iunaso oparisaa tau maunau makarotana na sio wason openeso oparisaa tau maunau titue ne okaumin runa kahatene, mka iapasanaso.

2 Tesalonika 2:3

Pene otapi ata ia isa iakarotamo. Ihokai tewasi. Mka sio panesi openeso tau Anahatana, oyo ia kahatene wain inesi Anahatana mainae iatuhete ruai, samatoro ihokai. Ia kahatene rei, mka Upuri Yesus iunai tihoniki tau usa mainae hainau rerihoni Anahatana rei.

1 Yohanis 2:20

Ne Yesus Kristus irui Anahatana ne Inaha wain Ia Manisate Onate osimo nea. Reiso oanei maunaune wan titue.

1 Yohanis 2:27

Ne omi mo, Kristus irui Anahatana ne Inaha osimo nea. Ne Inaha rei irue pan anomo sui osa nea. Reiso pene sio umau oatuhetemo nea. Tea mo, ne Inaha iatuhete pusire osimo nea. Sae waron iatuhetere osimo rei mo, pusire manisata. Iakarota tewa. Reiso kahurae opusu ne maunauna waron iatuhetere osimo rei. Kahurae anomo osa na Kristus sui osa.

1 Yohanis 4:6

Ne ami, Yesus ne maisosia mo, ma Ama tau Anahatana. Reiso ia seia iationa Anahatana, areimo iatinu tau ma maunauna. Ne ia seia wain Amai tau Anahatana tewa, areimo iatinu tau ma maunauna tewa. Reiso ianei ata kani sio oatuhete sae wan titue na ianei ata kani sio oatuhete sae wani titue tewa.

1 Yohanis 5:6

Yesus Kristus sahoro Ia wain ihokai on roe noiyaha mai tuniai reini. Yohanis isohu Yesus tau tihu, oyo tau imatai, ne nasi reroti. Ia mo, ihokai tewa na Yohanis isohui man. Ne Ia iae, ihokai na ne nasi reroti rotu-tu imatai. Anahatana ne Inaha iatuheteta ata areini mo, titue. Tea mo, ne Inaha iatuhete sae wan titue sui osa.