Yohanis 16:12 - Anahatana ne Anamanaya tau Sou Naunue

¹² Nanie uasau panesi osimo asi, ne muie reini omi oatarimare ia-ia tewasi.

Yohanis 16:12 ပူးပေါင်းရင်းမြစ်များ

Markus 4:33

Yesus iatuhete tau matieua panesi san rei, areimo inoo pusu ia seia man wain ianei mosa maunauna rai.

Yohanis 14:30

Au mka uanamana osimo potuina tewa nea. Tea mo, ia aia sakahatene wain ne kawasa tau tuniai reini wain nanie ihokai nea. Nanie ihokai imunaku. Ne ia mo, ne kawasa tau Au tewa.

Yohanis 15:15

Uoimo tau manianeu tewa nea. Tea mo, ia maniane mo, ianei sae wan upui iunai tewa. Ne uoimo tau we netau. Tea mo, usima osimo nea rerihon sae man wan uatinure arihon Amaku.

Yohanis 16:11

Ia iae mka isima ata Anahatana nanie iapasana ia aia sakahatene wain ne kawasa tau tuniai reini nea. Reiso oanei ata mka iapasana sio oi.

Yohanis 16:13

Ne mka Anahatana ne Inaha ihokai. Oyo iatuhetemo rerihoni sae waron titue arihoni Anahatana. Mka iakahaimo na oanei sae man waron titue. Ruai ianamana tewa. Ne isima runa sae waron iatinure arihoni Amaku. Mka isima runa pan muie sapan.

Atata 1:3

Yesus imatai, oyo tau onona hutu ate iatu-atuhete ruai osi ne maisosia na sio oanei ia-ia ata wain iamahaiki honu. Sio onooi, oyo ianamana rerihoni sapani na Anahatana irime ne mansiau.