Yohanis 15:5 - Anahatana ne Anamanaya tau Sou Naunue

⁵ Au reini mo, sani anggur nene tinaie. Omi mo, sani anggur nene sanaya. Ia seia wain anoi osa runa Au na Au anoku osa runa ia, mka iauhua. Areimo ne hali pannuhu na Anahatana anoi. Ne sani anomo osa na Au tewa, mka mo hali pannuhu na anoi tewa.

Yohanis 15:5 ပူးပေါင်းရင်းမြစ်များ

Yohanis 12:24

Oatinu mai ia-ia nanie uasau osimo. Nooku sani gandum kanie. Sani orahu gandum kanie poe tuamane mo, mka rematai ee, samatoro reruhui honu oyo reuhua panesi. Ne sani remata tewa, mka gandum rei hasae kanie osa rei man. Resinena tewa.

Yohanis 15:16

Omi oroma Au tewa na ouna we mampusua. Ne Au ruaku sahoro uroma omi na una we mampusua. Uromamo na mo haliu pannuhu na Anahatana anoi sui osa. Mo haliu pannuhu na anoi, mka Amaku irui sae man wan oainisiki tau Au nanaku.

Yohanis 5:19

Yesus iasau osi sio mainaya arihoni akama Yahudi. Iahata, “We amau, oatinu mai ia-ia nanie uasau osimo ia-ia. Au, Anahatana Anai, una sae isa mo, upusu ruaku we maue tewa. Au mo, hasae una sae wan unoo Amaku iunai. Areimo noso sae wani Amaku iunai, Au iae una rei oi.

Yohanis 9:33

Munata Ia onate rei ihokai on roe Anahatana tewa, mka imaha iuna sae isa tewa.”

Atata 4:12

Yesus ruai man bisa iapuheuta na iamahaita rotu-tu ria supan. Mai tuniai reini pusiki mo, ia isa iae ne kawasa iapuheu na iamahaita tewa. Hasae Yesus sahoro ne kawasa.”

Pilipi 1:11

Uainisi na no atata manisata sui osa pusu Yesus Kristus iuna anoo manisata. Una anoo manisata na ia seia man iainaa runa Anahatana sui osa.”

Pilipi 4:13

Kristus irui kawasa osiku reiso mka uapamese kua anoku tau sae man.

Pilipi 4:17

Unina na oakahaiku san rei tewa. Ne unina na Anahatana irui iake osimo pusu oakahaiku rei.

Yakobis 1:17

Sae man wani iake rehokai arihoni Amari Anahatana. Anahatana wain ihaye tau ranie, hunane, oneu. Ne Ia ruai mo, ikati ne hali tewa. Ranie runa hunane rasaa rakaisunu rotu-tu tuniai repumonoi. Ne Anahatana mo, tewa. Isaa ikaisunu rotu-tu tuniai repumonoi tewa. Ia sahoro irati sae man wani iake.