Yohanis 15:24 - Anahatana ne Anamanaya tau Sou Naunue

²⁴ Onoo Au una sima-simana waron ia seia man iuna kuare tewa. Ne openeso oparisaa tau Au sirinia. Sinana Au una sima-simana rai tewa, osana tewa. Ne masike onoo sima-simana rai nea iae, openeso tau Au runa Amaku sirinia.

Yohanis 15:24 ပူးပေါင်းရင်းမြစ်များ

Markus 2:12

Oyo ia rei ihanui, ihetu ne kinoe rei, oyo ihokai. Sio pusiso onooi ihanui, ihetu ne kinoe rei. Reiso osira. Oainaa runa Anahatana ata, “Mania upu Anahatana. Ano mo, ano iake tunne nai osa. Ano me kawasa mainae. Una nitae reini mo, ami anooi tewasi.”

Lukas 24:19

Yesus iahata, “Sou anamana sae?” Ia rei iahata, “Sou wan rehete rerihoni Yesus, Ia kota Nasaret rei. Ia mo, ia mamsima runa Anahatana ne maunauna isa. Iatuhete tumatau na iuna sima-simana nita-nitaya tau ne kawasa. Sio mansiau na Anahatana iae anoo sanan nnai.

Yohanis 10:32

Ne Yesus iahata, “Omi onoo sima-simana panesi nea waron Amaku iaisosiku na unare. Reiso arihon sima-simana rai mo, sima-simane sae sahoro reunamo na nanie orauku tau hatu na ohunuku?”

Yohanis 10:37

Sani Au una sae waron Amaku iunare tewa, areimo pene oparisaa tanuku.

Yohanis 12:10

Reiso sio imam no sio mainaya oapamata sou nanie ohunu Yesus na Lasarus oi.

Yohanis 12:45

Inoo Au, areimo inoo Ia wain iaisosiku rei oi.

Yohanis 14:9

Ne Yesus iahata, “Pilipus ee. Ukatamo potuina rein nea rei! Ano mo, kahurae ationaku nea. Ia seia wain inoo Au nea, areimo inoo Amaku nea oi. Reiso ano nanie asau na uatuhete Amaku osimo tau sae?

Yohanis 15:21

Mka ouna sinsaramo tau omi mo, Au we mansiau. Tea mo, oationa Ia wain iaisosi Au reini tewa.

Yohanis 15:22

Sinana uhoka tewa na uatuheteso tewa, areimo osana tewa. Tea mo, openeso tanuku tewa. Ne, muie reini, Au wan uhokaku uatuheteso nea, reiso sio mo, mka oasau tewa nea ata oanei tewa ata sae wan ounai rei mo, opalalosa.

Yohanis 15:23

Ia seia wain ipenei tau Au, areimo ipenei tau Au Amaku oi.

Yohanis 16:9

Mka iunaso oanei ata opalalosa sani oparisaa tau Au tewa.

Yohanis 3:2

Taue isa ihokai mai Yesus tau pumono. Hoka mai, iahata, “Ano Ona Matuhetene. Ami anei ata Ano mo, Anahatana iaisosia mai na nanie atuhetema. Tea mo, hasae ia isa wain Anahatana ikata runai sahoro ne kawasa iuna sima-simana sani Ano reini.”

Yohanis 5:36

Ne sae isa wan mainae renesi Yohanis resima runa Au. Sima-simana waron Au unare rei mo, pusire ratuhete ata Au reini mo, Amaku sahoro iaisosiku na unare rei. Ratuhete ata Amaku wain roe noiyaha iaisosiku mai tuniai reini.

Yohanis 6:36

Ne uasau osimo nea. Onooku nea, ne oparisaa tanuku tewa sirinia.

Yohanis 7:31

Ne arihon sio panesi wason noi rei mo, sio panesi oparisaa tanui. Oahata, “Ia seia man iuna kua sima-simana waron ratuhete ata ne kawasa arihon Anahatana panesi sani Ia onate reini tewa. Reiso, Ia onate reini mo, titue-tue Ia mo, Ia Aia wain Anahatana Ihitiki na Iapuheu Mansiau reini nea rei, tea!”

Yohanis 9:32

Ia seia man iatinu tewasi ata ia wain matai raputiso on iamrae inoo nea sani au reini. Iatinu san rei tewasi on tuniai reini remrae rotu-tu reini.

Yohanis 9:41

Iahata, “Sani ruamo oamanaku ata matamo raputiso, areimo omi mo, opalalosa tewa. Ne omi wamo oasau ata omi mo, onoo mosa. Areimo omi ohana mo rosau asi.”

Atata 10:38

Oanei nea ata Anahatana ihiti Yesus, ia Nasaret rei nea. Oanei ata irui Ne Inaha osiki reiso isupu kawasa. Ieu ihori sui supan-supan iuna iake. Isuisene sio pusiso wason ia aia sakahatene iakarotaso. Tau sae, Anahatana ikata runai.

Atata 2:22

Omi Israel! Oatinu tau we anamanaya rai! Anahatana iatuhete osi omi ata ihiti Yesus wain on pan nia Nasaret. Oaneiki nea tau Anahatana irui kawasa osiki na iuna sima-simana tau matamo kahutua.

2 Timotius 3:4

Orui no netau osi no nisau. Ouna sae isa, ne oarinii tewa. Ohati ruao. No suka maise tuniai rerihoni no suka opusu Anahatana.

Yakobis 4:4

Ee! Omi mo, noomo sani ia pina wain isahu-sahu sahai. Anomo runa sae waron mai tuniai reini man, areimo openemo tau Anahatana rei, tea! Reiso ia seia anoi runa tuniai reini, areimo iatuhete ata ia mo, ipenei tau Anahatana na iuna Anahatana ne nisa.