Yohanis 15:11 - Anahatana ne Anamanaya tau Sou Naunue

¹¹ Usima na pusire osimo reini na anomo mirika sani Au oi. Na anomo mirika ia-ia.

Yohanis 15:11 ပူးပေါင်းရင်းမြစ်များ

Lukas 15:23

Pusi oyo, nana koropou anae wani kopotuene oyo rehiki. Iuna karisaa mainae na pusita iai kata umau.

Lukas 15:32

Ne wanim reini mo, nooi sani imatai nea. Ne wain iamahaiki honu. Nooi sani tihoniki, ne isupui honu. Reiso ita mo, kahurae anori mirika na iuna karisaa iai ikata umau.’”

Lukas 15:5

Oyo sani isupu ne rompa hatae wani tihoniki rei mo, anoi mirike rotu-tu iasaoai roe manai.

Lukas 15:9

Oyo sani isupui, oyo ioi ne netau runa ne mansiau sui ne numa nusue. Oyo iahata, ‘Mai na pusita anori mirika. Tea mo, usupu we ai totue inate wani tihoniki rei nea!’

Yohanis 16:24

Rotu-tu reini, oainisi sae isa arihon Au Amaku tau Au nanaku tewasi. Oainisi, mka irui osimo. Na anomo mirika nai osa.

Yohanis 16:33

Uasau raini pusire na anomo kaia noso anomo osa runa Au. Omi mo, mka sinsaramo mai tuniai reini. Ne omi mo, kahurae oapamese anomo. Tea mo, unesi sio wason onesiku mai tuniai reini nea.”

Yohanis 17:13

Ama, nanie ununiku roe tanua nea. Ne uasau raini pusire oni Au wan tuniai reini asi na we mampusua anoo mirika, nooi sani Au iae anoku mirike oi.

Yohanis 3:29

Atieu rei sani Ia mo, Ia hanaie wain iaisenei. Au mo, sani ne neta. Ne neta inapai ihoka. Ne neta rei iatinu nioi, anoi mirike. Arei iae nooi sani au oi. Anoku mirike nai osa tau uatinu sae wan iasaui rei osiku.

Pilipi 1:25

Uakahaimo na oparisaa tau Kristus ia-ia. Oparisaa ia-ia na anomo mirika. Reiso uanei ata nene iake uamahaiku sirinia. Uamahaiku na uakahaimo. Upeneku tau ueu uarihonimo ee!

1 Tesalonika 5:16

Kahurae anomo miri-mirika sui osa,

1 Yohanis 1:4

Reiso wan ukanu surate reini na pusita anori miri-mirika nai osa.

2 Yohanis 1:12

Panesi waron nanie ukanure osimo asi. Ne upeneku ukanure tau surate man. Ne unina na potuina tewa nea ruaku ueuku pan tanumo na usupumo na ianamana osi umau. Uanamana osimo san rei mo, mka pusita anori miri-mirike nai osa.