Yohanis 14:6 - Anahatana ne Anamanaya tau Sou Naunue

⁶ Yesus iahata, “Au sahoro arena na oeu roe Amaku. Au sahoro uatuhete sae wan manisate rerihoni Anahatana. Au oi, sahoro una mansia oamahaiso okata Anahatana rotu-tu ria supan. Hasae Au sahoro una arena na oeu roe Amaku.

Yohanis 14:6 ပူးပေါင်းရင်းမြစ်များ

Yohanis 1:14

Reiso Sou rei iamrae iuna mansia. Irue ikataso mai tuniai reini. Onoo ne kawasa nea. Ihokai on roe Amai Anahatana. Amai irui kawasa osiki. Ia mo, Ia osa ruai man. Masike mansiau opalalosa iae, irui iake mainae osiso sirinia. Iatuheteso runa sae wan manisate rerihoni Anahatana.

Yohanis 1:17

Tea mo, Anahatana irui ne maunauna osi Musa na isima runare osi rea upu momou. Ne, pusu Yesus Kristus, Anahatana iatuheteta ata, masike ita ipalalosa iae, irui iake mainae osita sirinia. Isima runa sae wan manisate.

Yohanis 1:4

Ia sahoro iuna pusire ramahai. Ia wain iapuhaita rei mo, irori manahane osi mansia pusiki na oanei sae sahoro manisate.

Yohanis 10:28

Au unaso oamahaiso kata Anahatana rotu-tu ria supan. Reiso mka omata rotu-tu ria supan tewa. Ia seia man iwahuso arihoni hanaku anoe tewa.

Yohanis 10:7

Reiso iahata, “Oatinu mai ia-ia, nanie uasau osimo. Au reini mo, sani koka nene mitanunue wan rompau ranusu pan koka anoe. Tea mo, Au mo, mitanunue na mansiau oeuso mai Anahatana.

Yohanis 10:9

Au reini mo, sani mitanunue. Mka Anahatana iapuheu ia sia man wain ihokai mai tanui inusu pusu Au. Mka inusu hoka sae isa remunai tewa sani rompa renusu hoka koka renina nene muaina mo, iake.

Yohanis 14:19

Wan haineke nea oyo sio mai tuniai reini wason Anahatana ne mansiau tewa, mka onooku tewa nea. Ne omi mo, mka onooku sinia. Tau Au mka uamahaiku honu, reiso omi iae mka oamahaimo honu oi.

Yohanis 15:1

Yesus iruni runa matieue isa osi ne mampusua ata, “Au mo, noo sani ai anggur wan manisate. Omi mo, ai anggur nene sanaya. Amaku mo, nooi sani ia mamsaka nisi anggur.

Yohanis 18:37

Oyo Pilatus iasei ata, “Munata san rei, Ano rein mo, Ano Aia, tea!” Oyo Yesus iahata, “Ano asau ata Au mo, Au Aia. Areimo titue. Uamrae mai tuniai na una Aia. Uhokaku mai tuniai rein na usima rerihoni sae wan manisate. Ia sia wain inina sae wan manisate mo, mka iatinu tau Au.”

Yohanis 5:21

Noo sani Amaku iuna mansia matane iamahaiki honu. Reiso Au iae, mka uapuhai mansia matane pusu ruaku we maue.

Yohanis 6:33

Areimo tau poroti tunne wan Anahatana iruiki mo, ikaisunu on roe noiyaha. Ia sahoro iapuhai mansia mai tuniai reini rotu-tu ria supan.”

Yohanis 6:51

Au mo, poroti wan reuna mansia oamahaiso rotu-tu ria supan ukaisunu on roe noiyaha. Ia seia wain iai poroti rei mo, mka iamahaiki ikata Anahatana rotu-tu ria supan. Poroti wan uasau runai rei mo, Au ruaku tinaiku wan uruiki osi mansia mai tuniai reini na oamahaiso okata Anahatana rotu-tu ria supan.”

Yohanis 6:57

Au Amaku wain iapuhai pusire sahoro iaisosiku uhokaku mai tuniai reini. Na Au uamahaiku reini mo, noso Amaku iapuhaiku. Reiso sio wason oai Au tinaiku mo, mka oamahaiso rotu-tu ria supan noso sae wan Au unai osiso.

Yohanis 6:68

Ne Petrus iasau osi Yesus. Iahata, “Upu, nanie aeuma tau ia sia honu? Hasae Ano man sahoro asima runa sapan na amahaima akata Anahatana rotu-tu ria supan.

Yohanis 8:32

Omi mka oanei Anahatana ne maunauna waron manisata. Maunauna rai sahoro mka raunamo osihamo arihoni mo rosau na pene ouna sani maniane tanre nea.”

Yohanis 8:51

Oatinu mai ia-ia, nanie uasau osimo. Ia seia ipusu we maunauna, ia mo, mka imata rotu-tu ria supan tewa.”

Atata 3:15

Reiso ohunu ia wain iapuhaiso. Ne Anahatana iapuhaiki honu rerihoni sio matana. Ami anoo ata wain iamahaiki honu, reiso asima osimo.

Atata 4:12

Yesus ruai man bisa iapuheuta na iamahaita rotu-tu ria supan. Mai tuniai reini pusiki mo, ia isa iae ne kawasa iapuheu na iamahaita tewa. Hasae Yesus sahoro ne kawasa.”

Atata 9:2

Ieui roe ia imam onate rei, nanie iainisi surate na isupu kawasa na ieui pan kota Damsyik pan sio onata tau numa manouna osi sio Yahudiu pan rei. Nanie isupu kawasa na munata isupu sio wason oparisaa tau Yesus, sio pinau te sio hanaia pusiso, ia mka inotaso, oyo iroriso roe Yerusalem. Isupu surate rei, oyo ieui.

1 Yohanis 1:8

Munata ita iasau ata, “Au mo, upalalosa tewa,” iasau san rei mo, iakarota ruari. Sae wan manisate rerue pan anori tewa.

1 Yohanis 2:23

Ia seia wain ipenei iparisaa tau Anai mo, mka anoi osa na Amari tewa. Ne ia seia wain iparisaa tau Anai mo, anoi osa na Amari oi.

1 Yohanis 5:20

Ianei oi ata Anahatana Anai ihokai mai tuniai reini nea. Ia sahoro ihuka arena na ita iationa Anahatana wain Ia manisate. Anori osa na Anahatana wain Ia manisate rei. Tea mo, anori osa na Anai, Yesus Kristus, wain Ia manisate rei. Ia mo, titue Ia Anahatana na Ia sahoro iapuheuta na iamahaita ikata Anahatana rotu-tu ria supan.

1 Yohanis 5:6

Yesus Kristus sahoro Ia wain ihokai on roe noiyaha mai tuniai reini. Yohanis isohu Yesus tau tihu, oyo tau imatai, ne nasi reroti. Ia mo, ihokai tewa na Yohanis isohui man. Ne Ia iae, ihokai na ne nasi reroti rotu-tu imatai. Anahatana ne Inaha iatuheteta ata areini mo, titue. Tea mo, ne Inaha iatuhete sae wan titue sui osa.

2 Yohanis 1:9

Ia seia ikati Kristus ne maunauna te ipusu sae waron iaunaure tewa nea, areimo anoi osa na Anahatana tewa. Ne ia seia wain ipusu Kristus ne maunauna rai, areimo, anoi osa na Amari Anahatana na Anai Yesus Kristus.