Yohanis 13:34 - Anahatana ne Anamanaya tau Sou Naunue

³⁴ Reiso nanie uasau runa maunau honue osimo. Anomo na umau. Omi mo, kahurae anomo na umau noo sani Au anoku na omi.

Yohanis 13:34 ပူးပေါင်းရင်းမြစ်များ

Yohanis 15:17

Reiso we maunaune osimo wan san rei. Kahurae anomo runa umau.”

Yohanis 17:21

Uainisi na pusiso anoo osa, nooi sani ita ua anori osa oi. Uainisi na anoo osa na uata, na sio mai tuniai rein oparisaa ata Ano sahoro aisosiku.

1 Tesalonika 3:12

Aunaso anoo runa umau. Aunaso anoo runa sio pusiso mainae honu. Aunaso anoo runaso mainae sani anoma runa sio oi.

2 Tesalonika 1:3

Mania kakau, mania waniu. Kahurae ami asau osi Anahatana sui osa, “Mania ama. Ano iake tunne nai osa. Sio Tesalonika oparisaa mainae honu sui osa. Anoo runa umau mainae honu sui osa. Reiso ano iake tunne nai osa.” Ami asau san rei, areimo iake.

Yakobis 2:8

Anahatana ne maunaune wani mainae nai osa mo, wan san rei, “Anomo runa ia sia man sani anomo runa ruamo.” Maunaune reini wani tau ne anamanaya. Munata opusu Anahatana ne maunaune rei ia-ia, areimo ouna sae wani iake.

1 Yohanis 3:11

Maunaune wan oatinui on mato oparisaa tau Kristus, areimo kahurae anori runa umau.

1 Yohanis 3:23

Ne maunauna mo, anori runa umau na kahurae iparisaa ata Yesus Kristus mo, Anahatana Anai. Kristus iaisosita iuna san rei nea.

1 Yohanis 4:21

Anahatana ruai sahoro iaisosita san rei, “Ia seia man wain anoi runa Anahatana mo, kahurae anoi runa nea kakau waniu oi.”

2 Yohanis 1:5

Reiso ano pina onate. Wan ukanu maunau honue osimo tewa. Ne wan ukanu maunaune wan ianeiki on mato ipusu Kristus. Maunaune reimo, kahurae anori runa umau tea.