Yohanis 13:17 - Anahatana ne Anamanaya tau Sou Naunue

¹⁷ Oanei pusi sae wan uasaure osimo nea rei. Reiso sani opusui mo, mka osupu iake.”

Yohanis 13:17 ပူးပေါင်းရင်းမြစ်များ

Lukas 11:28

Ne Yesus iahata, “Sio wason Anahatana mka irui iake osi mo, sio wason oatinu tau Anahatana ne anamanaya na opusu sae waron oatinure rei.”

Yohanis 15:14

Sani opusu we maunauna, omi mo, Au we netau.

Yakobis 1:25

Anahatana ne Sou Iake reimo, atieu rei sani ninita. Sou Iake rei rekatemai, eresima runa Anahatana ne arena pusiki. Ne arena rei osi ne mansiau. Sou Iake rei ereunata iarihoni re rosau. Reiso sani iariniiki oyo ipusui ia-ia, Anahatana mka irui iake osita. Irui iake osita reiso sae pusire waron iuna suire mka raeu iake. Irui iake osita, hete sae iatinu tau ne Sou Iake oyo ipusui. Pene anori kanihua runare.

Yakobis 4:17

Reiso sani ia isa ianei ata kahurae iuna sae ne iunai tewa, areimo ipalalosa.