Yohanis 12:37 - Anahatana ne Anamanaya tau Sou Naunue

³⁷ Masike Yesus iuna sima-simana waron ratuhete ata ne kawasa arihon Anahatana panesi mai sio Yahudiu uao anoa iae, openeso oparisaa tanui sirinia.

Yohanis 12:37 ပူးပေါင်းရင်းမြစ်များ

Lukas 16:31

Ne Abraham iasau, iahata, ‘Sani oatinu tau Musa na sio mamsima runa Anahatana ne maunauna no maunauna tewa, masike ia waini imatai iamahaiki honu mka oparisaa tewa sirinia.’”

Yohanis 1:11

Ihokai mai ami Yahudiu. Tea mo, ami wan ruai ne mansiau wan iromama. Ne, ne mansiau, sio Yahudiu, sio panesi openeso tanui.

Yohanis 11:42

Uanei ata Ano mo, atinuku sui osa. Ne, uasau san reini na sio wason ooso mai rei oparisaa ata Ano ruam sahoro aisosiku mai tuniai reini.”

Yohanis 12:36

Reiso oni Au wain ukatamo asi mo, oparisaa tau Manahane rei. Oparisaa na mo hali manahane.” Yesus iasau san rei pusi, oyo ieui arihon rei na iauhuniki arihonso.

Yohanis 12:38

Areimo reeu sani Anahatana ne ia mamsima runa ne maunauna wain nanai Yesaya iasau ata, “Upu, ami asima runaya, ne sio panesi oparisaa tewa. Masike Ano atuhete me kawasa, openeso oparisaa.”

Yohanis 15:24

Onoo Au una sima-simana waron ia seia man iuna kuare tewa. Ne openeso oparisaa tau Au sirinia. Sinana Au una sima-simana rai tewa, osana tewa. Ne masike onoo sima-simana rai nea iae, openeso tau Au runa Amaku sirinia.

Yohanis 2:11

Sae wan Yesus iunai pani kota Kana rei mo, ne sima-simane wan retuhete ata ne kawasa arihon Anahatana mataanoe. Sima-simane wani iunai rei mo, iatuhete ne kawasa wan mainae osi mansiau. Ne mampusua oparisaa tanui tau rei sirinia.

Yohanis 6:2

Mansia hutue oeu pusui. Opusui tau onoo sima-simana waron ratuhete ata ne kawasa arihon Anahatana waron iunare na sio kupua iake.