Yohanis 12:34 - Anahatana ne Anamanaya tau Sou Naunue

³⁴ Oyo ia isa arihon sio panesi rei iahata, “Upu, ami anei nea oi arihon Anahatana ne maunauna ata Ia Aia wain Anahatana Ihitiki na Iapuheu Mansiau mo, mka iamahaiki rotu-tu ria supan. Reiso, Ano nanie asau ata, Ia Tumata wain Anahatana Ihitiki mo, mka osiui roe hini tau sae? Reiso Ia Tumata wain Anahatana Ihitiki mo, ia seia?”

Yohanis 12:34 ပူးပေါင်းရင်းမြစ်များ

Yohanis 10:34

Oyo Yesus iahata, “Sio okanu tau Anahatana ne anamanaya ata Anahatana iasau osi sio Yahudiu no sio mainaya ata, ‘Au uanamana osimo sani omi mo, mo hali noo sani Au ruaku oi.’

Yohanis 12:32

Ne Au mo, mka osiuku roe hini on mai tuamane reini. Tau rei, mka uhuka arena osi ia sia man na oeuso mai tanuku.”

Yohanis 15:25

Ne openeso tanuma rei, areimo opusu waron sio okanure tau Anahatana ne maunauna. Okanu ata Anahatana iasau ata, ‘Openeso tanuku ne umunaso tewa.’

Yohanis 8:28

Reiso iahata, “Au Tumata Reini Anahatana Ihitiku mo, uhokaku on roe noiyaha. Ne tau ohunuku roe hini, samatoro mka oanei ata Au mo, Au sia. Omi iae mka oanei ata sae man wan unai mo, unai tau ruaku we kawasa tewa. Ne usima na sae waron Amaku iatuheteku tanre.