Yohanis 11:52 - Anahatana ne Anamanaya tau Sou Naunue

⁵² Yesus panokoi ikati sio Yahudiu man tewa. Ne, panokoi ikati Anahatana ne mansiau wason owena-wenaso mai tuniai rein. Na iamanou pusiso tau osa.

Yohanis 11:52 ပူးပေါင်းရင်းမြစ်များ

Lukas 15:8

Yesus iruni runa matieue isa. Atinui san rei, “Ia pina isa ne ai totu perak inata hutusa waron nene hunonia mainaya. Sani ne ai totue inate isa tihoniki mo, mka iuna sae? Mka inai kamane, inana kasanate, oyo ikopa numa anoe rei sui osa rotu-tu isupui, tea!

Lukas 2:32

Mka iuna sio wason sio Yahudiu tewa oi oanei ata mka iapuheuso na pene apasanaso na pusu Ia oamahaiso rotu-tu ria supan sani kamane eresita na ianei arena. Mka iunaso oamuira me mansiau, ami Israel.”

Yohanis 1:12

Ne sio wason oatarimai mo, Anahatana ihitiso tau ne hehuka. Ihiti sio wason oparisaa tanui tau ne hehuka.

Yohanis 1:29

Nene han san rei, Yohanis inoo Yesus ihokai mai tanui. Iahata, “Masi onoo! Ia mo, Anahatana iromai na irui ruai osi sio ohunui noo sani rompa anae wan ita Israel ihunui na iusi re rosau. Tea mo, mka iusi mansiau no rosau.

Yohanis 10:16

Au iae we rompau tamena wason oamanouso tewasi na we rompau waron mai koka. Reiso Au iae kahurae urorire na uamanou pusire tau osa. Rompau tamena rai oi mka raatinu nioku. Rompau rai pusire mka ramanouso tau osa. Au mka una mamsakae tau pusire.

Yohanis 12:32

Ne Au mo, mka osiuku roe hini on mai tuamane reini. Tau rei, mka uhuka arena osi ia sia man na oeuso mai tanuku.”

Atata 18:10

Tau sae, au wani ukata runaya. Reiso ia isa iae, mka iuna kahatene tau ano tewa. Tau sae, mai kota reini wason sio panesi mka ouna we mansiau.”

Yakobis 1:1

Tapea osi omi Yahudiu wani oparisaa tau Yesus Kristus wani owena-wenamo sui tuniai reini pusiki. Au, Yakobis, sahoro ukanu surate reini. Au mo, Anahatana runa Upuri Yesus Kristus no manorine.

1 Yohanis 2:2

Ia hasae imatai na ihana ita re rosau man tewa. Ne imatai na ihana mansia pusiki mai tuniai reini no rosau na Anahatana isiru heu no rosau rai oi.

1 Yohanis 3:1

Mai na arinii pan anomo sapani na Amari Anahatana anoi runata mainae. Tea mo, rotu-tu Anahatana ioita tau ne hehuka. Areimo titue. Ita mo, Amari tau Anahatana. Ne sio mai tuniai reini oationa Anahatana tewa. Reiso sio iae oanei tewa ata ita mo, Amari tau Anahatana.

1 Yohanis 3:10

Mka ita iationa ia sia Amai tau Anahatana na ia sia amai tau ia aia sakahatene. Ia wain iuna manisate tewa na anoi runa ne kaka waniu tewa wason oparisaa tau Kristus mo, Amai tau Anahatana tewa.

1 Yohanis 3:2

We netau wan anoku runamo. Muie reini, ita mo, re Ama tau Anahatana nea. Ne ianei tewa pani muie mka ita sapan. Ianei ata mka Kristus ihokai honu. Sani ihokai honu, mka re haliu sani Ia oi. Tea mo, mka inooi ia-ia.