Yohanis 11:4 - Anahatana ne Anamanaya tau Sou Naunue

⁴ Yesus iatinu san rei, oyo iasau ata, “Kupue reimo, mka rehunui tewa. Ne, kupue reimo, mka reuna mansia onoo Anahatana ne kawasa wani mainae nai osa na mansiau oamuira Au, Anahatana Anai.”

Yohanis 11:4 ပူးပေါင်းရင်းမြစ်များ

Yohanis 10:38

Ne sani Au una sae wan rehiti Amaku uai anoe rei, masike oparisaa tanuku tewa sirinia iae, kahurae oparisaa tau sima-simana waroni Au unare rei. Parisaare na oanei ia-ia ata Au na Amaku mo, uama osa.”

Yohanis 11:40

Yesus iahata, “Anom repeka runa sae wan uasaui osia rei tewa? Munata aparisaa tanuku mo, mka anoo Anahatana ne kawasa rei.”

Yohanis 12:28

Reiso hasae uainisi ata, ‘Ama, atuhete osi mansiau ata Ano mo, Ano mainae nai osa.’” Sira tau oatinu nioke isa on roe nante. Iasau ata, “Au uatuhete osi mansiau nea ata Au mo, Au mainae nai osa. Na Au mo, mka una mansia onoo we kawasa mainae honu.”

Yohanis 17:1

Yesus ianamana osi ne mampusua suka, oyo iarinaa na roe nante oyo iainisi. Iahata, “Ama, nene orase nea tau umataku. Uainisi arihonia na amuira Au, Anam reini, na Au iae uamuira Ano oi.

Yohanis 17:10

Sio wason we mansiau rei mo, Ano me mansiau oi. Sio pusiso wason Ano me mansiau mo, Au we mansiau oi. Sio rei oamuiraku nea.

Yohanis 17:5

Reiso Ama, uainisi arihonia na sani ukataya honu, amuiraku honu, noo sani naone ukataya oni tuniai reini wan tewasi.”

Yohanis 2:11

Sae wan Yesus iunai pani kota Kana rei mo, ne sima-simane wan retuhete ata ne kawasa arihon Anahatana mataanoe. Sima-simane wani iunai rei mo, iatuhete ne kawasa wan mainae osi mansiau. Ne mampusua oparisaa tanui tau rei sirinia.

Yohanis 5:23

Amaku irui kawasa osi Au na mansia pusiki oamuira Au. Ia sia iamuira Au tewa, areimo noo sani iamuira Amaku tewa. Amaku wain iaisosiku uhokaku mai tuniai reini oi.

Yohanis 8:54

Oyo Yesus iahata, “Sani Au ruaku sahoro unina mansia na oamuiraku mo, oparisaa tanuku tewa iae, iake sinia. Ne ia wain iamuiraku mo, Amaku. Ia rei mo, Anahatana wain omi oasau ata oainisi ainaa nnai.

Yohanis 9:24

Reiso sio onata rei ooi ia wain naone matai raputiso rei honu. Oahata, “Anahatana wain iatinu reiso asau sae wan titue osima. Ami anei ata Yesus mo, ipalalosa.”

Yohanis 9:3

Yesus iahata, “Matai raputiso reimo, tau ruai ne rosau mo, tewa. Tau inai na amai no rosau iae, tewa oi. Ne matai raputiso rei mo, na mansiau onoo Anahatana ne kawasa noso isuisene ia rei.

Pilipi 1:11

Uainisi na no atata manisata sui osa pusu Yesus Kristus iuna anoo manisata. Una anoo manisata na ia seia man iainaa runa Anahatana sui osa.”

Pilipi 1:20

Uanei ia-ia na uparisaa nea ata mka uaumaa tewa. Reiso oni muie rein na muie reipan mka uamuira Kristus ukaitau tewa. Masike au una sae man iae, mka uamuirai. Masike umataku iae, mka uamuirai. Uamahaiku iae, mka uamuirai sirinia.