Yohanis 11:27 - Anahatana ne Anamanaya tau Sou Naunue

²⁷ Iahata, “E-e Upu. Uparisaa tanua, Upu. Uparisaa ata Ano mo, Ia Aia wain Anahatana Ihitiki na Iapuheu Mansiau. Ano mo, Anahatana Anai wain itotoe runai na ihokai mai tuniai reini.”

Yohanis 11:27 ပူးပေါင်းရင်းမြစ်များ

Lukas 2:11

Sinasi ia ikine isa iamrae poe aia Daud ne kota. Ia ikine rei sahoro mka iapuheumo na pene Anahatana iapasanamo. Iamrae noso omi. Ia reimo Upuri wain Ia Aia wain Anahatana Ihitiki na Iapuheu Mansiau.

Yohanis 1:49

Pusi, oyo Natanael iasau iahata, “Ano Ona Matuhetene! Au mato uanei reini ata Ano mo, titue-tue Anahatana Anai. Ano mo, ita Israel ma Ia Aia!”

Yohanis 4:42

Sio oasau osi ia pina ona Samaria rei ata, “Ano pina onate, naone ami aparisaa tau Ia onate reini mo, repusu sae wani ano asaui osima rei. Ne muie reini ami aparisaa pusu ami ruama atinu ne maunauna nea oi. Ami anei ia-ia nea ata Ia reini mo, titue-tue iapuheu mansia na pene Anahatana iapasanaso.”

Yohanis 6:14

Sio panesi rei onoo sima-simane wan retuhete ata Yesus ne kawasa arihon Anahatana wan iunai rei oyo oahata, “Titue-tue! Ia reini mo, ia mamsima runa Anahatana ne maunauna wain Anahatana itotoe runai nea ata mka ihokai mai tuniai.”

Yohanis 6:69

Ami aparisaa na anei ia-ia ata Ano mo, Ano manisate onate. Anahatana iaisosia ahokaya mai tuniai reini.”

Atata 8:36

Sio wason pan arena tihue, oyo osupu waene. Reiso ia mainae iasau, “Masi anoo waene reipo. Nesi sae asi na asohuku na mansiau oanei ata uarihoni we rosau nea?”

Atata 8:37

Iahata, “Munata aparisaa runa anom pusiki, au mka usohua.” Iahata, “Uparisaa ata Yesus Kristus wain Anahatana anai.”

1 Yohanis 5:1

Ia seia wain iparisaa ata Yesus mo, Ia Aia wain Anahatana Ihitiki na Iapuheu Mansiau, ia reimo Amai tau Anahatana. Ia seia wain anoi runa Amari Anahatana, areimo mka anoi runa sio wason no Ama tau Anahatana.

1 Yohanis 5:20

Ianei oi ata Anahatana Anai ihokai mai tuniai reini nea. Ia sahoro ihuka arena na ita iationa Anahatana wain Ia manisate. Anori osa na Anahatana wain Ia manisate rei. Tea mo, anori osa na Anai, Yesus Kristus, wain Ia manisate rei. Ia mo, titue Ia Anahatana na Ia sahoro iapuheuta na iamahaita ikata Anahatana rotu-tu ria supan.