Yohanis 11:19 - Anahatana ne Anamanaya tau Sou Naunue

¹⁹ Reiso, sio Yahudiu panesi on roe rei ohoka nanie ouna kuru Maria na Marta anoo tau no hota panokoi nea.

Yohanis 11:19 ပူးပေါင်းရင်းမြစ်များ

Lukas 10:39

Ia pina rei mo, wanin isa wain nanai Maria. Maria mo, iru-ruei poe Yesus ain atua iatinu ne anamanaya.

Lukas 10:42

Ne hasae osa man sahoro ininai iake. Maria inini sae wani iake mainae, reiso pene ia isa isopoi.”

Yohanis 1:19

Taue isa, sio mainaya arihoni akama Yahudi roe kota Yerusalem oaisosi sio imam umau runa sio arihoni ipane Lewi umau. Sio Lewi oanori roe Anahatana ne numa mainisie oakahai sio imam. Sio mainaya oaisosiso na oeuso oasei tau Yohanis. Oasei tanui ata, “Ano reini mo, ano seia?” Oyo isima runa Yesus osiso.

Yohanis 11:1

Ia hanaie isa wain nanai Lasarus. Ia mo, irue poe nia Betania. Iruei ikata ne hotau sio ua. Ne hotau rei nanao mo, Maria na Marta. Maria sahoro mka isona Upuri Yesus ain atua tau mina hau rihue samatoro ikusa Yesus ain atua tau ne huau. Taue isa Lasarus ikupui mtinte.

Yohanis 11:31

Tau reimo sio Yahudiu wasumo Maria ne numa anoe ouna kuru anoi. Onoo Maria ihitio ieu ihokai sisaa reiso oeu pusui. Sio rei oeu pusui tau oata kani Maria nanie ieui irani ria Lasarus ne kupuro.

Yohanis 11:33

Yesus inoo Maria na sio Yahudiu rei oran oapunokoso, iahana anoi wakihi pusiki nai osa.

Yohanis 11:36

Oyo sio Yahudiu umau wason noi rei oasau ata, “Masi onoo. Anoi runa Lasarus nai osa.”

Yohanis 11:45

Sio Yahudiu panesi wason ohokaso poe Maria onoo Yesus iuna Lasarus iamahaiki honu, reiso oparisaa tanui.

Yohanis 11:8

Atinu san rei ahata, “Ano Matuhetene. Mato-mato rei man sio ona Yahudiu poe rei nanie oraua tau hatu. Reiso nanie anunia poe rei honu tau sae?”

1 Tesalonika 4:18

Reiso osima runa anamanaya rai osi umau na pene anomo rapunokoso rerihoni sio matana.

1 Tesalonika 5:11

Reiso osima runa rai osi umau na mka ihokai, okaitau tewa. Oakahai umau na oparisaa mainae honu. Omi wani ouna san rei nea.