Yohanis 11:1 - Anahatana ne Anamanaya tau Sou Naunue

^1-2 Ia hanaie isa wain nanai Lasarus. Ia mo, irue poe nia Betania. Iruei ikata ne hotau sio ua. Ne hotau rei nanao mo, Maria na Marta. Maria sahoro mka isona Upuri Yesus ain atua tau mina hau rihue samatoro ikusa Yesus ain atua tau ne huau. Taue isa Lasarus ikupui mtinte.

Yohanis 11:1 ပူးပေါင်းရင်းမြစ်များ

Markus 11:1

Yesus sio oeuso arihon nia Yeriko, oyo oeuso na roe kota Yerusalem. Sio wason haineke kota Yerusalem nea, mai nia Betpage na nia Betania. Niana ua rai mo, warupan Pupue Saitun nene sanene aikune. Pan rei, Yesus iaisosi ne mampusua ua oeuso oanaoneso.

Yohanis 11:11

Yesus iasau honu ata, “Re neta Lasarus mo, waipo inekei. Ne nanie ueu poe uhanui.”

Yohanis 11:18

Nia Betania mo, kilou tonu san rei arihon kota Yerusalem man.

Yohanis 11:19

Reiso, sio Yahudiu panesi on roe rei ohoka nanie ouna kuru Maria na Marta anoo tau no hota panokoi nea.

Yohanis 11:3

Reiso ne hotau ua rei oaisosi ia isa ieu isima osi Yesus rerihoni Lasarus. Hoka poe, iasau osi Yesus ata, “Upu, ia wain anom runai nai osa rei waipo ikupui.”

Yohanis 12:17

Sio wason onoo Yesus ioi Lasarus on pani hatu nohue oyo iunai iamahaiki honu rei, oeu oruni rerihoni Lasarus.

Yohanis 12:9

Sio Yahudiu panesi oatinu ata Yesus waipo nia Betania. Reiso oeuso poe rei nanie onooi. Na nanie onoo Lasarus oi. Lasarus mo, ia wain Yesus iunai iamahaiki honu rei.

Atata 9:37

Tau muie rei ikupui, oyo imatai. Imatai oyo, sio osohu tinain, oyo oautuei roe kakaranae roe naue.