Yohanis 10:36 - Anahatana ne Anamanaya tau Sou Naunue

³⁶ Anahatana iromaku na iaisosiku uhokaku mai tuniai reini. Reiso, sani uasau ata, ‘Au mo, Anahatana Anai’, pene anomo rasaa. Pene oasau ata Au uanamana sani Au mo, Anahatana rei.

Yohanis 10:36 ပူးပေါင်းရင်းမြစ်များ

Lukas 1:35

Iahata, “Mka Anahatana Ne Inaha isipui tanua. Oyo Anahatana wain Ia Mainae Nai osa rei ne kawasa iaraonoa. Oyo tinaim taua. Reiso ia ikine wain mka asusui rei mo, ia manisate onate. Sio mka ooiki tau Anahatana Anai.

Yohanis 10:35

Omi anei ata sae man waron sio okanure tau Anahatana ne anamanaya mo, pusire manisata. Reiso noo sani Anahatana ruai iasau ata sio wason osupu ne anamanaya mo, no hali sani Ia ruai.

Yohanis 17:18

Noo san Ano aisosi Au uhokaku mai tuniai reini, Au iae uaisosi sio mai tuniai reini pusiki oi.

Yohanis 17:21

Uainisi na pusiso anoo osa, nooi sani ita ua anori osa oi. Uainisi na anoo osa na uata, na sio mai tuniai rein oparisaa ata Ano sahoro aisosiku.

Yohanis 17:8

Tea mo, usima na maunauna waron Ano asau runare osiku rei nea. Na sio iae oatarimare nea. Sio iae oaneire ia-ia nea ata Au mo, uhokaku on roe Ano. Oparisaa ata Ano sahoro aisosiku uhokaku rein.

Yohanis 19:7

Sio ona Yahudiu rei oasau osi Pilatus. Oata, “Pusu Musa ne maunauna mo, kahurae hunui. Tea mo, iasau ata Ia mo, Anahatana Anai.”

Yohanis 20:28

Oyo Tomas iahata, “Upuku! Anahatana wan uainaa nnaya!”

Yohanis 20:31

Ne waron ukanure mo, ukanure na oparisaa ata Yesus mo, Ia Aia wain Anahatana Ihitiki na Iapuheu Mansiau. Ia mo, Anahatana Anai. Ukanu rain pusire oi na oparisaa. Oparisaa na oamahaimo okatai rotu-tu ria supan tau anomo osa nnai.

Yohanis 3:17

Tea mo, Anahatana iaisosi Anai rei, na iapasana omi mai tuniai reini tewa. Ne nanie iapuheumo na orue okatai rotu-tu ria supan.

Yohanis 3:34

Ita ianei ata pusire titue tau Yesus mo, Anahatana sahoro iaisosiki. Iaisosiki na isima runa Anahatana ne maunauna. Pusire titue tau Anahatana iuna ne Inaha iruei pan Yesus anoi.

Yohanis 5:30

Ne uapasana mansia pusu ruaku we kawasa tewa. Uapasana mansia pusu sae wan Amaku iasau osiku na unai. Uapasana mansiau mo, uese hae osa man tewa. Tea mo, upusu ruaku we maue mo, tewa. Ne upusu Amaku ne maue. Ia sahoro iaisosiku uhokaku mai tuniai reini.”

Yohanis 6:27

Pene opakarian onina muaine wan mka rekopui. Ne, onina muaine wan mka rekahate tewa. Onina muaine wan reunamo oamahaimo okata Anahatana rotu-tu ria supan. Muaine rei mo, hasae Au, Tumata Reini mo, Anahatana Ihitiku sahoro mka uruiki osimo. Areimo tau Au mo, Amaku irui kawasa osiku nea.”

Yohanis 6:38

Areimo tau usipu on roe noiyaha na una pusu ruaku we maue mo, tewa. Ne nanie una pusu Amaku wain iaisosiku rei ne maue.

Yohanis 6:57

Au Amaku wain iapuhai pusire sahoro iaisosiku uhokaku mai tuniai reini. Na Au uamahaiku reini mo, noso Amaku iapuhaiku. Reiso sio wason oai Au tinaiku mo, mka oamahaiso rotu-tu ria supan noso sae wan Au unai osiso.

Yohanis 6:69

Ami aparisaa na anei ia-ia ata Ano mo, Ano manisate onate. Anahatana iaisosia ahokaya mai tuniai reini.”

Yohanis 8:42

Yesus iasau osi sio ona Yahudiu. Iahata, “Sani munata Anahatana mo, omi mo ama, areimo omi mka anomo na Au. Tea mo, uhokaku on roe Anahatana. Au wan reini mo, uhokaku pusu ruaku we maue tewa, ne uhokaku pusu Ia wain iaisosiki ne maue.