Yohanis 10:26 - Anahatana ne Anamanaya tau Sou Naunue

²⁶ Ne oparisaa tanuku tewa. Tau omi mo, omi sani rompau waron nene mamsaka tamene.

Yohanis 10:26 ပူးပေါင်းရင်းမြစ်များ

Yohanis 10:27

Au we mansiau oatinu tanuku sani rompau oatinu tau no mamsaka rompau. Uationa we mansiau na opusuku.

Yohanis 10:4

Ihoka pusi ne rompau arihon nene koka nea, oyo ieu roe uae sui osa iautunure. Rompau rai rationa nioi reiso raeu rapusu-pusui hae muie.

Yohanis 6:37

Ia sia man wain Amaku iruiki na ouna we mansiau rei mo, mka oeuso mai tanuku. Na ia sia wain ihokai mai tanuku mo, mka uapusaa pusiso. Uneiso tewa.

Yohanis 6:65

Oyo iasau ata, “Omi umau wan oparisaa we maunauna tewa reiso uasau osimo nea ata hasae sio wason Anahatana ihuka anoo sahoro oparisaa tanuku na oamahaiso rotu-tu ria supan.”

Yohanis 8:47

Ia sia wain iuna Anahatana ne mansia mo, mka iatinu Anahatana ne maunauna. Ne omi mo, Anahatana ne mansiau tewa, reiso oatinure tewa.”

1 Yohanis 4:6

Ne ami, Yesus ne maisosia mo, ma Ama tau Anahatana. Reiso ia seia iationa Anahatana, areimo iatinu tau ma maunauna. Ne ia seia wain Amai tau Anahatana tewa, areimo iatinu tau ma maunauna tewa. Reiso ianei ata kani sio oatuhete sae wan titue na ianei ata kani sio oatuhete sae wani titue tewa.