Yohanis 10:16 - Anahatana ne Anamanaya tau Sou Naunue

¹⁶ Au iae we rompau tamena wason oamanouso tewasi na we rompau waron mai koka. Reiso Au iae kahurae urorire na uamanou pusire tau osa. Rompau tamena rai oi mka raatinu nioku. Rompau rai pusire mka ramanouso tau osa. Au mka una mamsakae tau pusire.

Yohanis 10:16 ပူးပေါင်းရင်းမြစ်များ

Lukas 15:8

Yesus iruni runa matieue isa. Atinui san rei, “Ia pina isa ne ai totu perak inata hutusa waron nene hunonia mainaya. Sani ne ai totue inate isa tihoniki mo, mka iuna sae? Mka inai kamane, inana kasanate, oyo ikopa numa anoe rei sui osa rotu-tu isupui, tea!

Yohanis 10:11

Au reini mo, Au sani mamsaka rompau wain isaka ne rompau ia-ia. Isaka ne rompau ia-ia mo, masike nanie imatai iae, hete sae ne rompau ramahaiso.

Yohanis 10:2

Ne ia wain inusui pani rompau nene koka pusu mitanunue, ia reimo, ia mamsaka rompau.

Yohanis 10:27

Au we mansiau oatinu tanuku sani rompau oatinu tau no mamsaka rompau. Uationa we mansiau na opusuku.

Yohanis 10:3

Ia wain isaka koka nene mitanunue ihuka mitanunue osi ia mamsaka rei. Ia mamsaka ioi nanaya sana osa-osa, rationa nioi. Pusi, oyo iautunure rahoka arihon koka.

Yohanis 10:4

Ihoka pusi ne rompau arihon nene koka nea, oyo ieu roe uae sui osa iautunure. Rompau rai rationa nioi reiso raeu rapusu-pusui hae muie.

Yohanis 10:5

Ne rompau rai raeu rapusu ia tamene wain rationai tewa. Ne mka rarumaso arihoni ia rei. Tea mo, rationa nioi tewa.”

Yohanis 11:52

Yesus panokoi ikati sio Yahudiu man tewa. Ne, panokoi ikati Anahatana ne mansiau wason owena-wenaso mai tuniai rein. Na iamanou pusiso tau osa.

Yohanis 17:20

“Ama, uainisi osi we mampusua reini man tewa. Ne uainisi osi ia sia man wason mka oparisaa tanuku noso oatinu sae waron we mampusua oatuheteso.

Yohanis 6:37

Ia sia man wain Amaku iruiki na ouna we mansiau rei mo, mka oeuso mai tanuku. Na ia sia wain ihokai mai tanuku mo, mka uapusaa pusiso. Uneiso tewa.

Atata 15:14

Simon Petrus mato iatuhetemo sapani na mataanoe Anahatana iatuhetei. Iatuhetei ata anoi runa sio wason sio Yahudiu tewa. Inini sio umau rerihoni sio rei oi na sio ouna ne mansiau.

Atata 18:10

Tau sae, au wani ukata runaya. Reiso ia isa iae, mka iuna kahatene tau ano tewa. Tau sae, mai kota reini wason sio panesi mka ouna we mansiau.”

Atata 22:14

Oyo iasau osiku, ‘Anahatana wain rea upu oainaa runai iroma ano nea na anei ne maue. Iromaya na anoo Ia wain Anahatana Iratiki Iapuheuso wain anoi manisate, runa atinu nioi pannuhu ianamana osia.

2 Tesalonika 2:13

Mania kakau, mania waniu wani Upuri anoi runamo. Ami mo, kahurae ami ainisi iake arihoni Anahatana san rei sui osa, “Mania ama. Ano mo, ano iake tunne nai osa. Ano anini sio Tesalonika on ano ahaye tuniai reini tewasi. Aniniso na apuheuso. Aniniso na oamahaiso rotu-tu ria supan. Apuheuso pusu Me Inaha iunaso manisata onata. Apuheuso pusu oparisaa tau maunau titue.