Yohanis 10:14 - Anahatana ne Anamanaya tau Sou Naunue

^14-15 Au reini mo, Au sani mamsaka rompau wain isaka ne rompau ia-ia. Au sahoro unoo runare ia-ia. Masike mka umataku iae hete sae we rompa ramahaiso. Uationa we rompau. We rompau iae rationaku oi. Noo sani Amaku iationa Au na Au uationa Amaku oi.

Yohanis 10:14 ပူးပေါင်းရင်းမြစ်များ

Yohanis 10:11

Au reini mo, Au sani mamsaka rompau wain isaka ne rompau ia-ia. Isaka ne rompau ia-ia mo, masike nanie imatai iae, hete sae ne rompau ramahaiso.

Yohanis 10:13

Ia wain isupu seha-seha rei irumai, areimo tau ia mo, hasae isupu seha-seha man. Reiso anoi runare tewa.

Yohanis 10:27

Au we mansiau oatinu tanuku sani rompau oatinu tau no mamsaka rompau. Uationa we mansiau na opusuku.

Yohanis 17:3

Mansia oamahaiso okataya rotu-tu ria supan mo, oationaya. Oationa Ano wan Anahatana wain manisate osa ruai. Na oationa Au, Yesus Kristus, wain Ano aisosiku uhokaku mai tuniai rein.

Yohanis 17:8

Tea mo, usima na maunauna waron Ano asau runare osiku rei nea. Na sio iae oatarimare nea. Sio iae oaneire ia-ia nea ata Au mo, uhokaku on roe Ano. Oparisaa ata Ano sahoro aisosiku uhokaku rein.

Pilipi 3:8

Upeneku tau pusire. Ne hasae unina na uationa Upuku Kristus Yesus ia-ia. Ia sahoro ia iake inesi pusire. Unina na uationai reiso, upesi pusire sani upesi ai ehuka. Tea mo, arai pusire sahoro raunaku tau Anahatana ne mansia tewa. Upesi pusire nea na anoku osa runa Kristus. Upesi pusire sahoro ereunaku tau Anahatana ne mansia.

2 Timotius 1:12

Reiso masike sinsaraku tau Sou Iake rei iae, uaumaa tewa. Tau sae, uationa Kristus Yesus wain uparisaai. Uanei ata Sou Iake rei wani iruiki osi au nea na uaunauso tanui, mka isakai. Isakai rotu-tu mka ihokai mai tuniai reini honu.

2 Timotius 2:19

Ne Anahatana ne anamanaya, sio mka onenire tewa. Anahatana ne anamanaya sani numa aikune makae poe hue. Anahatana ne anamanaya rai rakahai sio wason oparisaa na oapamese. Numa ereoo tau nene aikune rei makae reiso repamese. Sani pusiso oanei ia numa upue ia seia tau sio okanu nanai tau hatu tinipae, “Upuri iationa sio wason titue-tue ne mansiau,” runa “Sio wason ooi Yesus tau ‘Upuku’, kahurae oarihoni no isanaya.”

1 Yohanis 5:20

Ianei oi ata Anahatana Anai ihokai mai tuniai reini nea. Ia sahoro ihuka arena na ita iationa Anahatana wain Ia manisate. Anori osa na Anahatana wain Ia manisate rei. Tea mo, anori osa na Anai, Yesus Kristus, wain Ia manisate rei. Ia mo, titue Ia Anahatana na Ia sahoro iapuheuta na iamahaita ikata Anahatana rotu-tu ria supan.