Yohanis 1:38 - Anahatana ne Anamanaya tau Sou Naunue

³⁸ Oyo Yesus iuni inoo hae muie, inoo uaso wason oeu pusui. Oyo iasei tau uaso. Iahata, “Uamo wan onina sae?” Uaso oasau ata, “Ano Ona Matuhetene, Ano mo, aruea sui supa?”

Yohanis 1:38 ပူးပေါင်းရင်းမြစ်များ

Lukas 10:39

Ia pina rei mo, wanin isa wain nanai Maria. Maria mo, iru-ruei poe Yesus ain atua iatinu ne anamanaya.

Lukas 14:25

Taue isa Yesus waini ieu ikata sio panesi. Oyo iuni iasau osiso iahata,

Lukas 15:20

Ianamana pani anoi pusi, oyo ieu iarihoni rei na inuniki poe amai. On pan hainau asi, amai inooi, oyo anoi runai. Reiso amai irumai noi, iatipuniki na imukiki.

Lukas 19:5

Yesus ihokai noi ai rei, iarinaa. Inoo Sakeus oyo iasau iahata, “Sakeus, sipu mai nea! Tea mo, kahurae unekeku poe me numa.”

Lukas 22:61

Oyo Upuri Yesus iuni inoo Petrus samatoro Petrus anoi erepeka runa Yesus ne anamanae. Iahata, “Mka-mka mono repan, manue eretunkeko tewasi oi mo, ano auhaa nai tonu nea ata ationaku.”

Yohanis 1:37

Taa oatinu sae wani Yohanis iasau rei, oyo uaso oeu pusu Yesus rei sirinia.

Yohanis 1:39

Iahata, “Mai na mka uamo ruamo onoo.” Reiso uaso oeu okatai na onoo ata irue sui supa. Tau reimo kani yam ate ran manne. Oyo uaso orueso katai rotu-tu ranie resohui.

Yohanis 1:49

Pusi, oyo Natanael iasau iahata, “Ano Ona Matuhetene! Au mato uanei reini ata Ano mo, titue-tue Anahatana Anai. Ano mo, ita Israel ma Ia Aia!”

Yohanis 12:21

Ohokaso mai Pilipus. Ia mo, ne niane Betsaida pan otoe Galilea. Oyo oasau osiki ata, “Upu, ami nanie anamana na Yesus.”

Yohanis 18:4

Ne Yesus ianei nea na sae wan mka reyari tanui. Reiso ieu isupuso oyo iasei tanso ata, “We amau, nanie onina ia seia?”

Yohanis 18:7

Reiso Yesus iasei honu ata, “We amau, wan onina ia sia?” Oasau ata, “Anina Yesus wain on pan nia Nasaret.”

Yohanis 3:2

Taue isa ihokai mai Yesus tau pumono. Hoka mai, iahata, “Ano Ona Matuhetene. Ami anei ata Ano mo, Anahatana iaisosia mai na nanie atuhetema. Tea mo, hasae ia isa wain Anahatana ikata runai sahoro ne kawasa iuna sima-simana sani Ano reini.”

Yohanis 3:26

Oyo Yohanis ne mampusua oeuso mai tanui oasau osiki. Oahata, “Ano Ona Matuhetene! Anom repeka runa ia onate wain ikataya ria wae Yordan on pan hae rei asi te tewa? Ia wain asima nnai osima rerihoniki rei. Muie reini wain isohuso na mansiau oanei ata oarihoni no rosau nea. Sio panesi wason oeuso ria tanui. Oeu mai ami tewa nea!”

Yohanis 4:31

Oo ia pina sinasi rei ieui iarihonima, ami ne mampusua atentene tau Yesus na iaiki mkane. Asau ata, “Ano Ona Matuhetene, mai na aia mkane ee!”

Yohanis 6:25

Sio panesi oeu onina Yesus oyo osupui pan nakane wani nanae Galilea on pan hae. Osupui pan kota Kapernaum. Oyo oasau ata, “Ano Ona Matuhetene! Reiso ahokaya mai rei onnaha inasi nea rei?”

Atata 10:21

Reiso Petrus isipui poe, oyo iasau osiso san rei, “Au reini mo sahoro omi wani oninaku. Ohokamo mai, onina au nanie tahae?”

Atata 10:29

Reiso ano anaha runaku, uhokaku mai. Uasau tea ata, ‘Upeneku.’ Reiso nanie uanei nea. Anaha runaku, nanie tahae?”

Rut 1:16

Ne Rut iahata, “Pene atentene tanuku na ueu arihonia. Tau ano aeua sui supan, au iae, mka upusua oi. Runa aruea sui supan iae, au iae, mka urue kataya. Ano me mansiau iae, au we mansiau rei sirinia. Anahatana wain ano ainisi ainaa runai iae, au uainisi uainaa runai rei sirinia.