Yohanis 1:32 - Anahatana ne Anamanaya tau Sou Naunue

^32-33 Pusi, oyo Yohanis isima osi mansiau rerihoni sae waron Anahatana iatuhetere osiki nea rei. Iahata, “We kakau waniu ee! Anahatana wain iaisosiku na usohuso na mansiau oanei ata oarihoni no rosau rai. Iasau osiku ata, ‘Sani anoo we Inaha isipui oyo iatasohoi tau Ia isa mo, Ia rei wain mka irui we Inaha osimo.’ Taa ihokai, uationai tewa ata Ia mo, Ia seia. Ne unoo Anahatana ne Inaha isipui on roe nante nooi sani manu puane hatae isa oyo iatasohoi roe tanui samatoro uationai.

Yohanis 1:32 ပူးပေါင်းရင်းမြစ်များ

Markus 1:10

Isohui pusi, oyo Yesus ihokai arihon waene rei, inoo nante rehekai. Oyo Anahatana Ne Inaha isipui. Anahatana ne Inaha rei mo, nooi sani manu puane. Isipui,

Lukas 3:22

Oyo, Anahatana Ne Inaha isipui. Anahatana ne Inaha rei mo, nooi sani manu pua putie. Isipui oyo iatasohoi roe Yesus. Iatasohoi oyo, oatinu nioke isa on roe noiyaha. Iahata, “Ano mo, Au Anaku. Anoku runaya. Anoku iake tau ano.”

Yohanis 1:31

Naone au ruaku uanei tewa ata Ia mo, Ia seia. Ne masike uanei tewa ata Ia mo, Ia seia, uhokaku na usohu omi Israel tau tihu na mansiau oanei ata oarihoni mo rosau nea. Usohumo na oationai.”

Yohanis 1:7

Yohanis ihokai na isima runa manahane rei. Isima runai na mansia pusiki oparisaa tau manahane rei.

Yohanis 5:32

Ne ia isa honu wain isima rerihoni Au. Ia rei mo, Amaku ruai. Au uanei ata sae wan isima runare rerihoni Au mo, pusire manisata.