Yohanis 1:18 - Anahatana ne Anamanaya tau Sou Naunue

¹⁸ Ia seia man inoo Anahatana tewa. Hasae Anai osa ruai tunne wain ihaineke runai man, sahoro isima runa Amai Anahatana osita nea.

Yohanis 1:18 ပူးပေါင်းရင်းမြစ်များ

Lukas 10:22

Yesus iainaa na Anahatana oyo iahata, “Amaku Anahatana iatuheteku na irui kawasa osiku na Au una taneiu waron iruire osiku. Hasae Amaku sahoro ianei Au mo, Au sia. Hasae Au na sio wason uatuheteso oanei Amaku Anahatana ne hali sapan.”

Yohanis 1:14

Reiso Sou rei iamrae iuna mansia. Irue ikataso mai tuniai reini. Onoo ne kawasa nea. Ihokai on roe Amai Anahatana. Amai irui kawasa osiki. Ia mo, Ia osa ruai man. Masike mansiau opalalosa iae, irui iake mainae osiso sirinia. Iatuheteso runa sae wan manisate rerihoni Anahatana.

Yohanis 12:41

Naone Yesaya iasau san rei mo, areimo noo sani inoo Yesus ne kawasa mainae nea. Reiso isima nnai rei tea.

Yohanis 13:23

Au, ne mampusue wain sio oiku tau “ia wain Yesus anoi runai” urue haineke Yesus.

Yohanis 14:9

Ne Yesus iahata, “Pilipus ee. Ukatamo potuina rein nea rei! Ano mo, kahurae ationaku nea. Ia seia wain inoo Au nea, areimo inoo Amaku nea oi. Reiso ano nanie asau na uatuhete Amaku osimo tau sae?

Yohanis 17:26

Au uatuheteso reiso oationaya nea. Mka uatuheteso san rei sui osa na anoo na umau, noo sani anom na Au runa anoku osa nnaso oi.”

Yohanis 17:6

“Ama, uatuhete sio wason aruiso osiku rerihoni Ano nea. Naone opusu sio mai tuniai reini ne aruiso osiku nea. Sio rei mo, Ano me mansiau, ne aruiso osiku nea. Opusu me maunauna nea.

Yohanis 3:11

Atinu mai ia-ia nanie uasau osia. Ami asima runa sae waron aneire rerihoni Anahatana ne Inaha nea. Asima runa sae waron anoo tau matama nea. Ne omi mo, openemo parisaa.

Yohanis 6:46

Ia sia man inoo Amaku Anahatana tewasi. Hasae Au wan iaisosiku mai tuniai reini man sahoro unooi nea.

1 Timotius 1:17

Uainisi osi Anahatana san rei, “Ama. Uamuiraya runa uainaa runaya rotu-tu ria supan. Ano wani Aia osi sio naene tau naene napisi tau napisi. Ano wani bisa amataya tewa. Ami bisa anooa tewa. Hasae taa ano sahoro ano Anahatana titue. Titue.”

1 Timotius 6:16

Ia ruai sahoro imatai tewa. Ia iruei roe rinane wani ita-itane eresita wani ia isa bisa ieu hainekei tewa. Ia isa iae inooi tewa. Ia isa bisa inooi tewa. Au unina na sio oamuirai rotu-tu ria supan. Au unina na ia ne kawasa rotu-tu ria supan. Titue.

1 Yohanis 4:12

Ia seia man inoo Anahatana tau matai tewasi. Ne sani anori runa umau, areimo Anahatana iruei pan anori nea. Anori na umau pusu Ia ruai ne maue.

1 Yohanis 4:20

Ia seia man wain iahata, “Anoku runa Anahatana,” ne ipenei tau kakai te wanin, areimo iakarota. Ianei ata iakarota tau anoi runa kakai wanin tewa. Aikee inoo kakai wanin rei. Reiso mka anoi runa Anahatana wain inooi tewa nai osa rei sapani?

1 Yohanis 4:9

Anahatana iatuhete ata anoi runa mansia mo, san rei. Iaisosi Anai osa mtola rei ihokai mai tuniai reini na iunata iamahaita ikatai rotu-tu ria supan.

1 Yohanis 5:20

Ianei oi ata Anahatana Anai ihokai mai tuniai reini nea. Ia sahoro ihuka arena na ita iationa Anahatana wain Ia manisate. Anori osa na Anahatana wain Ia manisate rei. Tea mo, anori osa na Anai, Yesus Kristus, wain Ia manisate rei. Ia mo, titue Ia Anahatana na Ia sahoro iapuheuta na iamahaita ikata Anahatana rotu-tu ria supan.