Yohanis 1:17 - Anahatana ne Anamanaya tau Sou Naunue

¹⁷ Tea mo, Anahatana irui ne maunauna osi Musa na isima runare osi rea upu momou. Ne, pusu Yesus Kristus, Anahatana iatuheteta ata, masike ita ipalalosa iae, irui iake mainae osita sirinia. Isima runa sae wan manisate.

Yohanis 1:17 ပူးပေါင်းရင်းမြစ်များ

Yohanis 1:14

Reiso Sou rei iamrae iuna mansia. Irue ikataso mai tuniai reini. Onoo ne kawasa nea. Ihokai on roe Amai Anahatana. Amai irui kawasa osiki. Ia mo, Ia osa ruai man. Masike mansiau opalalosa iae, irui iake mainae osiso sirinia. Iatuheteso runa sae wan manisate rerihoni Anahatana.

Yohanis 14:6

Yesus iahata, “Au sahoro arena na oeu roe Amaku. Au sahoro uatuhete sae wan manisate rerihoni Anahatana. Au oi, sahoro una mansia oamahaiso okata Anahatana rotu-tu ria supan. Hasae Au sahoro una arena na oeu roe Amaku.

Yohanis 18:37

Oyo Pilatus iasei ata, “Munata san rei, Ano rein mo, Ano Aia, tea!” Oyo Yesus iahata, “Ano asau ata Au mo, Au Aia. Areimo titue. Uamrae mai tuniai na una Aia. Uhokaku mai tuniai rein na usima rerihoni sae wan manisate. Ia sia wain inina sae wan manisate mo, mka iatinu tau Au.”

Yohanis 5:45

Pene oata kan Au mka uamanarumo roe Amaku. Ia wain mka iamanarumo mo, Musa. Aikee omi oata kani opusu Musa ne maunauna mo, mka Anahatana iapuheumo.

Yohanis 7:19

Anomo rapeka runa Anahatana ne maunauna waron Musa ikanure rei. Ia sia man arihon omi ipusu pusire ia-ia tewa. Sinana opusure, areimo mka onina arena na ohunuku tewa.”

Yohanis 8:32

Omi mka oanei Anahatana ne maunauna waron manisata. Maunauna rai sahoro mka raunamo osihamo arihoni mo rosau na pene ouna sani maniane tanre nea.”

Yohanis 9:29

Ami anei nea ata Anahatana ianamana osi Musa. Ne Ia rei mo, ami anei tewa ata ihokai on supa.”

Atata 28:23

Reiso ohete umetene na oamanouso honu. Tau ranie hatae rei sio ohetei nea, sio panesi ohokaso noi Paulus ne numa renesi sio wason ohokaso mataanoe. Ohokaso tau omnanoe oyo, Paulus iatuheteso rotu-tu ranie manne. Iatuheteso runa isima osiso runa sapani na Anahatana irime ne mansiau. Paulus iaunauso pusu Musa ne maunauna runa sio mamsima runa Anahatana ne anamanaya no surata na iunisui reaso na oparisaa ata Yesus wain Ia Anahatana Iratiki Iapuheuso.

Atata 7:38

Musa reini mo, iautunu sio Israel tau sio wason oeu ohori pan otoe huie. Anahatana ne maisosie on roe noiyaha ianamana osiki roe tinetae wani nanae Sinai, oyo Musa iatuhete ne anamanaya rai osi rea upu. Isupu Anahatana ne maunauna waron rakawana oyo iatuhetere osi ita oi.