Yakobis 5:9 - Anahatana ne Anamanaya tau Sou Naunue

⁹ Wea kakau waniu, hutu nohue. Pene opanahue. Pene oapasana umau. Tea mo, mka Upuri iapasanamo oi, tea! Masi oatinu! Ia wain mka iapasanata wain mitanunue nea.

Yakobis 5:9 ပူးပေါင်းရင်းမြစ်များ

Markus 13:29

Sani inoo ai ara totua rasineu nea mo, ianei ata mata hun tewa oyo, tuniai reini repena nea.

Markus 6:19

Reiso Herodias iakapuku tau Yohanis, nanie ihunui.

Yakobis 4:11

Wea kakau waniu, hutu nohue. Pene oruni umau. Ia wain iruni te iamanaru ne neta wain iparisaa tau Yesus Kristus mo, ia rei ipenei tau Anahatana ne maunauna. Noo sani omi oasau ata Anahatana ne maunauna iake tewa noso opusu tewa maunaune wan reasau, “Anom runa mansiau noo sani anom runa ruam.” Ne munata apenea tau Anahatana ne maunauna rai mo, apusure tewa rei, tea! Ne auna ruam sani ia mainae wain irime parakana na iarinii ia sia wain titue na ia sia wain titue tewa.

Yakobis 4:12

Aikee Ia osa man sahoro ne kawasa iapasana. Hasae Ia sahoro ne kawasa iarinii ia seia sahoro ipusu ne maunauna rai tewa. Tea mo, Ia sahoro irui maunauna rai. Ia sahoro ne kawasa iapuheu mansiau na oamahaiso okatai rotu-tu ria supan. Ia iae sahoro ne kawasa iapasanaso na iaisosiso oeuso ohainau arihoniki rotu-tu ria supan. Reiso omi reimo, omi seia na rotu-tu oamanaru mansia?

Yakobis 5:10

Wea kakau waniu, hutu nohue. Anomo rapeka runa sio wason ouna siaie osimo. Sio rei sinsaraso ne oapamese kuru anoo sirinia. Sani sio mamsima runa Anahatana ne maunauna, osima runa Upuri ne anamanaya. Sio umau ouna sinsaraso ne oapamese kuru anoo sirinia.

Yakobis 5:7

Wea kakau waniu, hutu nohue. Masike sio kaya ounamo sinsaramo iae, kahurae oapamese kuru anomo. Oapamese anomo rotu-tu Upuri ihokai mai tuniai reini honu. Masi oatinu. Sani ia mamrahu nisi isa, ia iae inapa rotu-tu ne atuhu isia, huaya osiki na iai, iahen. Inapa iapamese anoi, tea! Irahui suka, oyo inapa rotu-tu uane. Ita inapa rotu-tu haineke nanie iapahia ne nisi rei uane honu.