Yakobis 5:15 - Anahatana ne Anamanaya tau Sou Naunue

¹⁵ Oyo sani sio onata oparisaa ata Upuri mka irui sae wani sio oainisiki rei, mka Upuri iapuheui. Sani ia kupue rei ne rosa isa mo, mka Upuri isiru heu ne rosa rei sirinia.

Yakobis 5:15 ပူးပေါင်းရင်းမြစ်များ

Yohanis 5:14

Potuina tewa oyo, Yesus isupu ia hanaie rei roe Anahatana ne numa mainisie nene nusue. Iasau osiki. Iahata, “Amaku atinu mai na uasau osia ia-ia. Me kupue iake nea tea! Pene apalalosa nea! Pene tu-tu sae isa remunaya renesi me kupue wan mato-mato rei honu.”

Yohanis 6:39

Amaku iaisosiku rei mo, ne maue na ia seia man wain iruiki osiku nea rei mo, pene iamaninui. Ne ne maue na iapuhai sio pusiso honu pannuhu tuniai reini repena.

Yakobis 1:6

Mka irui. Hete sae, iparisaa na iainisi pusi anori. Pene anori rasama-samare. Sio wason anoo rasama-samare mo, atieu rei sani kolau. Kolau rai mo, ihute ererorire suru poe suru pan.

Yakobis 5:13

Sani ia isa mai pusita ututa wani iparisaa tau Yesus sinsarai mo, kahurae ia rei iainisi ee. Sani ia isa ikaumin, kahurae ihete kapatau iainaa runa Anahatana ee.

Yakobis 5:16

Reiso saka oamanaku mo rosau osi umau oyo oainisi osi umau. Oamanaku oyo oainisi na Upuri iapuheumo. Sani ia wain anoi manisate iainisi mo, mka Anahatana iatinu. Reiso ita inoo Anahatana ne kawasa nea rei, tea!

Yakobis 5:20

kahurae ne neta rei wain iaunaui ianei ata iapuheui. Iapuheui na sani mka imatai mo, pene iruei hainau arihoni Anahatana. Ipusu arena manisate honu oyo Anahatana mka isiru heu ne rosau waron panesi rai. Tapea, Yakobis.