Yakobis 4:5 - Anahatana ne Anamanaya tau Sou Naunue

⁵ Tau Anahatana ne anamanaya iasau, “Ruaku unusu we inaha pan anomo. Reiso unina na oainaa oainisi tau Au ruaku man.” Pene oasau ata Anahatana ianamana inamatane san rei.

Yakobis 4:5 ပူးပေါင်းရင်းမြစ်များ

Yohanis 10:35

Omi anei ata sae man waron sio okanure tau Anahatana ne anamanaya mo, pusire manisata. Reiso noo sani Anahatana ruai iasau ata sio wason osupu ne anamanaya mo, no hali sani Ia ruai.

Yohanis 19:37

Okanu san reini oi, “Mka sio onoo Ia wain osipai nea rei.”

Yohanis 7:42

Sio okanu tau Anahatana ne anamanaya nea oi, tea! Okanu ata Ia Aia wain Anahatana Ihitiki na Iapuheu Mansiau mo, Ia aia Daud upui momoi wain iamrae pan kota Betlehem, ia aia Daud ne niane.”

Atata 7:9

Re upu mataanoe rei, sio osaturuu oanana no wani Yusup, reiso oaheniki na iuna maniane pan otoe Mesir. Ne Anahatana iakahaiki.

Titus 3:3

Naone ita ruari iariruneta. Ita ruari iatinu tau Anahatana ne maunauna tewa. Ita ruari, sio umau oakarotata. Ita ianei tewa sapani na iarihoni re maue waron kahatena. Ianei iarihoni maisena tewa. Ita iuna kahatena sui osa. Isaturuu ianana. Iunaso openeso tanuta runa ipeneta tau umau.