Yakobis 2:6 - Anahatana ne Anamanaya tau Sou Naunue

⁶ Ne omi oamuira sio mosokinia tewa. Aikee sio kaya sahoro ouna mtinte tanumo. Sio kaya sahoro oapusaa parakanau na oapisara runamo. Reiso onesimo rei, tea!

Yakobis 2:6 ပူးပေါင်းရင်းမြစ်များ

Yohanis 8:49

Yesus iahata, “Au mo, sakahatene remasuniku tewa. Au mo, uamuira Amaku, ne omi oamuira Au tewa.

Atata 13:50

Ne sio Yahudiu ouna sio mainaya tau kota rei runa sio pina mainaya wason oamuira Anahatana onesi uaso. Reiso ouna uaso sinsaraso, oyo oneiso oarihoni otoe rei.

Atata 17:6

Ne osupu uaso tewa. Reiso onesa Yason runa sio wason oparisaa umau honu, oyo ororiso oamanane sio mainaya tau kota rei. Hoka pan oyo, oakapona san rei, “Sio rei ouna sio pusiso ouna purie sui supan-supan man mai tuniai reini. Muie reini mo, sio ohokaso mai kota reini oi.

Atata 18:12

Galio wain ia ne kawasa tau otoe Akhaya, oyo sio Yahudiu osota Paulus, nanie ororiki pan ia ne kawasa iapasanai.

Atata 8:3

Ne Saulus mo iuna rea sio wason oparisaa rei tihoniso. Ihori no numau pusire inesa sio pinau, sio hanaia pusiso pan manahane, oyo inususo pan pui anoe.

Yakobis 2:3

Ia kaya rei inusui runa ne api iaka oyo oamuirai. Oeu okatai roe uae oahata, “Mai upu. Mai na aruea mai rei.” Ne ia wain imosokiniki rei inusu oyo, oahata, “Ano mo, aooa pan rei.” Te oahata, “Aruea poe tuamane reipo.”

Yakobis 5:4

Masi oatinu. Oseha sio umau opakarian noi mo nisiu. Ne orui no sehau tewa. Reiso muie reini wason oakapona rotu-tu Upuri wain ne kawasa erenesi pusire iatinu nea.

Yakobis 5:6

Orori sio wason no isanae isa tewa na nanie oapisara runaso na oamanaruso rotu-tu ia mainae wain irime parakana rei iahata, “Sio rei osana.” Oyo ohunuso. Ne onesimo tea. Ouna sae isa tanumo tewa.