Yakobis 2:18 - Anahatana ne Anamanaya tau Sou Naunue

¹⁸ Sani ia isa iasau ata, “Sio umau oparisaa, sio umau oakahai ia seia man.” Au mka uasau sani ano akahai ia isa tewa oi, ano bisa atuhete osiku tewa ata aparisaa tau Yesus Kristus. Ne au mo, mka uatuhete ata uparisaa tanui pusu uakahai ia seia man.

Yakobis 2:18 ပူးပေါင်းရင်းမြစ်များ

1 Timotius 1:5

Aisosiso sani au mato uasau rei na sio anoo runa tumata. Anoo runa tumata pusu anoo manisata. Anoo runa tumatau pusu hasae ouna sae waron oanei ata manisata. Anoo runa tumata pusu oparisaa manisate maunau titue.

Titus 2:7

Tau pusire, ano ruam anom manisate sui osa na sio onoo, oyo oanei oamahaiso sapan. Atuhete runa anom manisate. Atuhete ano amuiraso.

Yakobis 2:14

Wea kakau waniu, hutu nohue. Sani ia isa iasau iahata, “Au uparisaa tau Yesus Kristus” ne ipusu ne maunauna tewa. Iakahai ia isa tewa oi. Mka isupu ne sae? Mka Anahatana iapuheui na ikatai rotu-tu ria supan?

Yakobis 3:13

Ia seia wain arihoni pusimo utumo ianei sae waron iaka, sae waron iaka tewa? Ia seia wain ianei ruai reiso ianei? Kahurae iatuhete ata ianei pusu ne atata waron iaka. Ia wain ianei, mka ne muiran manetane, ne manne.