Yakobis 2:17 - Anahatana ne Anamanaya tau Sou Naunue

¹⁷ Sani rei iae runa ita wani iparisaa tau Yesus Kristus. Sani iasau iahata, “Uparisaa.” Ne kahurae sio onoo ata iparisaa pusu onoota iakahai ia seia man. Ne sani iparisaa man, areimo iparisaa titue tewa. Areimo sani ia wain imatai nea. Iakahai ia isa tewa oi.

Yakobis 2:17 ပူးပေါင်းရင်းမြစ်များ

1 Tesalonika 1:3

Ami ainisi tau Amari Anahatana, anoma rapeka runa mo atata waron omi ounare tau omi oparisaa. Anoma rapeka sapani na oanori runaso tau anomo runa Anahatana. Anoma rapeka sapani na oapamese. Masike sio ounamo sinsaramo iae, oapamese sirinia. Tau sae, oparisaa runa Upuri Yesus Kristus.

1 Timotius 1:5

Aisosiso sani au mato uasau rei na sio anoo runa tumata. Anoo runa tumata pusu anoo manisata. Anoo runa tumatau pusu hasae ouna sae waron oanei ata manisata. Anoo runa tumata pusu oparisaa manisate maunau titue.

Yakobis 2:14

Wea kakau waniu, hutu nohue. Sani ia isa iasau iahata, “Au uparisaa tau Yesus Kristus” ne ipusu ne maunauna tewa. Iakahai ia isa tewa oi. Mka isupu ne sae? Mka Anahatana iapuheui na ikatai rotu-tu ria supan?

Yakobis 2:26

Reiso, sani ia isa watipusi nahai, areimo imatai nea rei, tea! Areimo sani iparisaa. Iparisaa ne iakahai ia isa tewa oi. Iparisaa titue tewa. Noo sani imatata nea rei, tea!