Yakobis 1:13 - Anahatana ne Anamanaya tau Sou Naunue

¹³ Munata osinsaramo, mka nanie opalalosa. Ne masike sapan iae, pene oasau oahata, Anahatana nanie iuna omi opalalosa. Ia isa iae mka iuna Anahatana ipalalosa tewa. Anahatana ireata tewa na ipalalosa.

Yakobis 1:13 ပူးပေါင်းရင်းမြစ်များ

Yakobis 1:12

Anahatana mka irui iake osimo, hete sae oparisaa tanui ia-ia. Masike osinsaramo iae, mka irui iake osimo sirinia. Hete sae, oapamese anomo na oparisaa tanui sirinia. Anahatana mka irui iake osimo atieu rei sani ia wain iapataruna isupu untu sahoro isupu piala. Mka orui piala osiki. Omi iae, sani oparisaa sirinia, mka osupu piala oi. Mka oamahaimo rotu-tu ria supan okata Anahatana. Anahatana itotoe nea ata ia seia wain anoi runa Anahatana, mka iamahaiki ikatai rotu-tu ria supan.

Yakobis 1:14

Ne rosa aikune mo, wapan ita sana osa-osa anori. Ipalalosa mo, mataanoe ikaumin runa sae isa wani inooi iake ne eresana. Ikaumin oyo iasau pan anori, “Mka au una san rei.”

Yakobis 1:2

Wea kakau waniu, hutu nohue. Omi oanei nea ata sui supa man osinsaramo noso oparisaa tau Anahatana ne oparisaa sirinia. Mka oparisaa tanui rotu-tu omatamo. Osinsaramo ne oparisaa sirinia. Reiso sani osinsaramo, kahurae anomo mirika