Rut 1:6 - Anahatana ne Anamanaya tau Sou Naunue

⁶ Naomi sahai runa ne hehuka uaso omataso, oyo oatinu anamanae mai Moab ata Yahweh iakahai ne mansiau, sio Israel, nea. Iakahaiso pusu no atuhu raruhu iake. Reiso osupu muaine nea. Naomi runa ne mananua uaso, Orpa runa Rut, oseka tau no apia na nanie onuniso poe kota Betlehem.

Rut 1:6 ပူးပေါင်းရင်းမြစ်များ

Lukas 1:68

“Upuku Anahatana. Upuku iake tunne nai osa reiso uainaa runaya. Upu mo, Anahatana wani ami Israel ainaa runaya. Tau sae? Upu akahaima. Akahai me mansiau nea. Ausi mani rosau nea.

Lukas 19:44

Mka ouna watikohu mo kota rei oyo ohunu pusimo wamo kota rei. Omi mainaya na mo sio ikina. Mo kota rei mka rotu-tu rehasa na tuamane. Araini pusire mka rayari, areimo tau Anahatana irati Au, Aia wan Ihitiku na Uapuheu Mansia. Iratiku ne oationaku tewa.”

1 Timotius 6:8

Reiso, ita re muaina, re apia rasohata nea.

Rut 1:5

oyo Mahlon runa Kilyon omataso oi. Reiso, Naomi iauhanui, tau sahai runa ne hehuka uaso mataso arihoniki nea.

Rut 1:7

Reiso ohitio oeu arihoni otoe Moab nanie onuniso okata umau na poe otoe Yehuda.