Rut 1:14 - Anahatana ne Anamanaya tau Sou Naunue

¹⁴ Orani honu oyo Orpa ihuu imuki inai hanahanai, oyo iauhaai na inuniki na poe ne numa. Ne Rut mo, ipenei ieu iarihoni inai hanahanai.

Rut 1:14 ပူးပေါင်းရင်းမြစ်များ

Atata 17:34

Ne sio umau okata Paulus, oyo oparisaa tau Yesus. Tau sio rei wason Dionisius, ia onate isa runa sio Areopagus, runa ia pina isa wain nanai Damaris runa sio umau honu.

2 Timotius 4:10

Tau sae, Demas ieu iarihoniku nea. Anoi runa tuniai reini runa sae waron isupu mai rei reiso iarihoniku nea. Ieui pan niane Tesalonika nea. Kreskes ieui pan otoe Galatia nea. Titus ieui pan otoe Dalmatia nea.

Rut 1:13

nanie onapaso rotu-tu sio karihurua? Reiso mka oausaha nana sio hanai tamena tewa nanie san rei tahae? Nene iake pene opusu au. Pene onapa rotu-tu ususu sio iki hanaia umau honu na onanaso tau mo hanaia. Tea mo, sae wani usupui reini mo, mtinte renesi sae wani osupui rei. Tau Yahweh iuna resuniku nea.”

Rut 1:15

Naomi iahata, “Kakam mo, inuniki poe ne niane nea. Inuniki poe nea upu wason nea mansiau oainisi oainaa runare. Ano iae, nene iake mo, anunia na poe me niane oi.”

Rut 1:7

Reiso ohitio oeu arihoni otoe Moab nanie onuniso okata umau na poe otoe Yehuda.

Rut 2:11

Boas iahata, “Uatinu sio orun nea. Oahata taa saham imatai iarihonia, oyo akahai inam hanahanai. Arai mo, uatinu pusire ia-ia nea. Uanei nea oi ata aeua arihoni inam, amam, runa me otoe wani amrae noi tanui rei oi. Aeu mai otoe wani naone aneiki tewa.