Pilemon 1:1 - Anahatana ne Anamanaya tau Sou Naunue

¹ Osi waniku, Pilemon, we neta wan anori runa Yesus sani au oi. Au, Paulus, wan ukanu surate reini. Ne au mo, au wan pui anoe noso usima runa Yesus Kristus. Ma wani, Timotius, wain ikataku oi. Iauwatu tapeae osimo oi.

Pilemon 1:1 ပူးပေါင်းရင်းမြစ်များ

Atata 16:1

Paulus ieu ikata Silas honu rotu-tu ihokai poe nia Derbe, oyo ieui poe nia Listra. Hoka poe oyo, isupu ia mampusue isa nanai Timotius. Inai, ia Yahudi. Iparisaa tau Yesus nea. Ne amai, ia Yunani.

Pilipi 1:1

Osi Anahatana ne mansiau pusimo utumo wani oruemo pan kota Pilipi. Au, Paulus, sahoro ukanu surate reini. Timotius wain ikataku oi. Uama anori runa Kristus Yesus. Akanu surate reini osi pusimo utumo wani anomo osa runa Kristus Yesus. Ami iae akanu surate reini osi sio onata runa sio makahaia tau omi wani oparisaa pan kota Pilipi.

Pilipi 2:25

Ne muie reini kahurae uaisosi Epaproditus noi tanumo na iakahaimo. Ia mo, noo sani ruaku waniku. Ianori runa Upuri ikataku. Ihana sae man wani mtinte ikataku oi sani sio tantarau ohana sae wani mtinte ne okata umau sirinia. Omi oaisosiki mai tanuku na iakahaiku.

Pilipi 4:3

Uainisi arihoni we neta wain iakahaiku ia-ia. Akahai sio pina onata ua rei, na uaso ouna iake runa umau. Tau uaso osima runa Sou Iake rerihoni Kristus. Masike sio panesi onesima iae, osima sirinia. Osima okata au, Klemens runa sio umau wason osima runa Kristus okata au oi. Anahatana ikanu nanao nea tau surate wani reaiinu sio wason mka omataso oyo oamahaiso okata Anahatana rotu-tu ria supan nanao.

1 Tesalonika 3:2

na uama aisosi Timotius pan tanumo. Timotius wain rea kaka wani. Ianori runa Anahatana iaunauso tau Sou Iake rerihoni Kristus. Ami aisosiki pan tanumo na anomo kuruta na iakahaimo oparisaa ia-ia

2 Tesalonika 1:1

Mania kakau, mania waniu wani oparisaa tau Yesus Kristus pan kota Tesalonika. Omi wani Amari Anahatana runa Upuri Yesus Kristus no mansiau. Au Paulus ukanu surate rei. Silas runa Timotius wason okataku oi.

2 Timotius 1:8

Reiso pene aumaa asima rerihoni Upuri. Pene aumaa rerihoni au wani sio onusuku pan pui anoe tau au usima rerihoni ia rei. Ne sinsaraya sani au reini tau asima na Sou Iake rerihoni Yesus rei. Mka Anahatana iunaya amkona na apamese sinsaraya.

Pilemon 1:23

Epapras wain pui anoe ikataku noso isima runa Kristus oi. Wain iauwatu tapeae osia oi.

Pilemon 1:24

Markus, Aristarkus, Demas, runa Lukas oauwatu tapeae osia oi. Sio reimo oakahaiku osima runa Yesus.