Lukas 7:40 - Anahatana ne Anamanaya tau Sou Naunue

⁴⁰ Oyo Yesus iasau ata, “Simon, nanie uasau sae isa osia.” Oyo Simon iahata, “Matuhetene, asaui roe.”

Lukas 7:40 ပူးပေါင်းရင်းမြစ်များ

Lukas 18:18

Taue isa ia mainae isa iasei tau Yesus. Iahata, “Matuhetene wani me iake! Kahurae una sae na uamahaiku ukata Anahatana rotu-tu ria supan?”

Lukas 5:22

Ne Yesus ianei anoo. Reiso iahata, “Nanie oarinii pan anomo san rei tahae?

Lukas 5:31

Yesus iatinu san rei oyo iahata, “Sani ia isa ikupui tewa, inina ia mamsuisene tewa. Ne ia wain ikupui sahoro ininai. Au mo, nooku sani ia mamsuisene rei oi.

Lukas 6:8

Ne Yesus ianei anoo. Reiso iasau osi ia wain hanai wanane erematai rei. Iahata, “Ahitioa na aeu mai. Ooa mai uae reini!” Reiso ia rei ihitioi iooi pan uae.

Lukas 7:39

Ia onate waini ianaha runa Yesus rei inoo sae wani ia pina rei iunai osi Yesus rei. Oyo ianamana pani anoi. Iahata, “Munata ia reini mo, Anahatana ne ia mamsima runa ne maunauna mo, kahurae ianei ata ia pina waini iakahuui reini mo, ia pina wan ne hali sapan. Kahurae ianei ata ia pina numa naue.”

Lukas 7:41

Iahata, “Sio ua oeu ohiti noti noi ia wain saka ihiti ai totua osi mansiau. Ia isa ihiti panesi sani ia isa ipakarian onona utun nima nene kati. Ia isa honu, ihiti mkane sani ia isa ipakarian onona hutu nima nene kati.

Yohanis 13:13

Omi saka oiku tau Matuhetene na Upu. Areimo titue. Tau Au mo, omi mo Upu na mo Matuhetene rei tea.

Yohanis 16:19

Yesus ianei ata nanie oasei tanui reiso iasau osiso ata, “Oasei tau umau rerihon sae wan uasaui sinasi rei si? Wamo oasei tau umau ata potuina tewa nea oyo onooku tewa nea. Ne, potuina tewa oi uhokaku honu tea?

Yohanis 16:30

Areini mato ami anei ata Ano anei pusire. Ano anina ia seia man tewa na iasei tau Ano rerihon sae man. Areimo tau Ano anei sae wan nanie aseiki naone nea. Areiso reunama aparisaa ata Ano mo, ahokaya on roe Anahatana.”

Yohanis 3:2

Taue isa ihokai mai Yesus tau pumono. Hoka mai, iahata, “Ano Ona Matuhetene. Ami anei ata Ano mo, Anahatana iaisosia mai na nanie atuhetema. Tea mo, hasae ia isa wain Anahatana ikata runai sahoro ne kawasa iuna sima-simana sani Ano reini.”