Lukas 1:13 - Anahatana ne Anamanaya tau Sou Naunue

¹³ Ne ia maisosie rei iahata, “Sakaria. Pene akaitau. Anahatana iatinu me mainisie nea. Mka saham Elisabet isusu. Anai rei, mka ia iki hanaie. Reiso ahete nanai tau Yohanis.

Lukas 1:13 ပူးပေါင်းရင်းမြစ်များ

Markus 16:6

Ia nasonane rei iasau osiso ata, “Pene osira. Onina Yesus arihon nia Nasaret. Ia wain sio opakui roe hini wan reniene. Ia mo, iamahaiki honu nea. Ia mo, wain rei tewa nea. Masi onoo, naniai wan oaunutui wapan rei.

Lukas 1:14

Mka ia ikine rei iamrae poe, oyo anom mirike. Sio panesi iae, mka anoo mirika oi.

Lukas 1:30

Ne Gabriel iahata, “Maria, pene akaitau. Anahatana inoo ano iake.

Lukas 2:21

Yesus ne onona itu nea, oyo orehiki. Ohete nanai tau Yesus repusu Anahatana ne maisosie on roe noiyaha iaisosi inai on tinain taua tewasi rei.

Atata 10:31

Iahata, ‘Kornelius! Anahatana iatinu me mainisie nea. Anoi repeka ata ano amanane asama sio mosokinia.