Atata 9:6 - Anahatana ne Anamanaya tau Sou Naunue

⁶ Ne hanu nea, oyo aeua poe kota rei. Hoka poe oyo, ano mka atinu rerihoni kahurae auna sae.”

Atata 9:6 ပူးပေါင်းရင်းမြစ်များ

Lukas 3:10

Oyo sio panesi rei oasei, oahata, “Kahurae auna sae na sio onoo ata ami arihoni ma rosau nea?”

Atata 10:22

Iahata, “Kornelius, ia kapitane, iaisosima mai. Ia mo, anoi manisate. Iamuira Anahatana. Reiso sio Yahudiu pusiso oamuirai mainae. Anahatana ne maisosie on roe noiyaha wain ia manisate onate isa iaisosiki na iainisi ata ano aeua pan ne numa na iatinu tau me maunaune.”

Atata 10:32

Reiso aisosi ia isa ieui pan Yope na anaha runa ia isa wain nanai Simon Petrus na ihokai mai iaunaumo. Waini iararane pan ia isa ne numa. Ia rei ne tanei tau makapana unta. Nanai Simon. Ne numa wanau nuae nusue.

Atata 10:6

Ia wain iararane pan Simon ne numa. Simon rei, ia ne tanei tau makapana unta. Iruei nau nuae nusue.”

Atata 2:37

Sio panesi rei oatinu tau rei, oyo oatamisi. Reiso oasei tau Petrus runa sio maisosia tamena. “Mania kakau, mania waniu. Kahurae ami auna sae?”

Atata 22:10

Oyo au on poe uasei honu, ‘Upu, ano mo anina na au una sae?’ Upuku isana san rei, ‘Hanu roe, oyo aeua poe Damsyik. Hoka poe oyo, mka atinu rerihoni sae waron Anahatana ihitia na aunare.’

Atata 26:16

Ahanu na aoo roe. Uatuhete ruaku osia na uhitia na anori runaku runa asima runa anoo au ranie hatae reini. Asima runa sae waron mka uatuhetere tanua tau muie oi.

Atata 9:5

Saulus on poe iasei honu, “Upu, ano mo ano seia rei?” Iahata, “Au reini mo, au Yesus ano wani auna sinsaraku. Auna we mampusua sinsaraso, areimo sani auna au ruaku sinsaraku.

Pilipi 2:12

Wea kakau waniu, hutu nohue, wani anoku runamo. Yesus Kristus iatinu tau Anahatana rotu-tu irui ruai na sio ohunui. Omi iae oatinu tau Anahatana onone ranie. Ne kahurae pusimo utumo, sana osa-osa, onina ia-ia na ouna sae wan iake. Sae wain iake tau omi wan Anahatana iapuheumo nea ounai. Ouna sae wan iake, oamuira Anahatana. Pene ouna san rei pannuhu au tu-tuku man. Ne masike tu-tuku tewa iae, ouna san rei mainae renesi sirinia.

Yakobis 4:6

Ne masike ipalalosa iae, Anahatana irui iake mainae osita sirinia. Reiso ne anamanaya raasau, “Anahatana inesi sio wason ouna ruao sio mainaya. Ne sio wason orati ruao, areimo masike opalalosa iae, irui iake mainae osiso sirinia.”