Atata 9:11 - Anahatana ne Anamanaya tau Sou Naunue

¹¹ Iahata, “Ananias, masi aeua pan Yudas ne numa, pan arena wani sio oaoiki tau Arena Katopue. Asei tanso rerihoni ia isa wain nanai Saulus. Saulus rei iamrae pan nia Tarsus. Waini iainisi tau au.

Atata 9:11 ပူးပေါင်းရင်းမြစ်များ

Yohanis 4:10

Oyo Yesus iahata, “Ina, sani ano anei Anahatana nanie irui sae osia na anei Ia sia sahoro wain iainisi tihu arihonia reini mo, mka ano ruam ainisi tihu arihoniku. Ainisi tihu oyo mka urui tihu wan reunaya amahaia.”

Atata 11:13

Anusu pan, oyo Kornelius isima osima runa sapani na inoo Anahatana ne maisosie on roe noiyaha isa ioo pan ne numa, oyo iasau, ‘Aisosi ia isa ieui pan Yope na anaha runa ia hanaie isa wain nanai Simon Petrus.

Atata 11:25

Oyo Barnabas ieui nau nia Tarsus, nanie inina Saulus.

Atata 2:21

Ne ia seia man iainisi na uapuhaiki, mka uapuhaiki sirinia.

Atata 21:39

Paulus on poe iasau, “Au Yahudi, uamrae poe kota Tarsus, kota mainae poe otoe Kilikia. Au uainisi na atapiku uanamana osi sio hutue rei.”

Atata 22:3

“Au mo, au Yahudi. Uamrae poe nia Tarsus poe otoe Kilikia. Ne au mo, au mainae mai kota Yerusalem reini. Gamaliel iatuheteku tau Musa ne maunauna waron isupure pusu rea upu. Upusu maunauna rai ia-ia. Urui ruaku na unana tanei osi Anahatana sani omi mai rei ranie hatae reini.

Atata 8:22

Pene ainisi san rei ne arihoni me kahatene rei runa ainisi tau Anahatana na iuna heu me kahatene rei.

Atata 8:26

Upuri ne maisosie isa on roe noiyaha iasau osi Pilipus san rei, “Masi aeu pan na apusu arena on mai kota Yerusalem rotu-tu rehokai nau nia Gasa. Arena rei wapan otoe huie.”

Atata 9:30

Sio wason oparisaa oatinu tau rei, reiso sio oautunu Saulus nau nia Kaisarea, oyo oaisosiki ieui pan nia Tarsus.