Atata 8:37 - Anahatana ne Anamanaya tau Sou Naunue

³⁷ Iahata, “Munata aparisaa runa anom pusiki, au mka usohua.” Iahata, “Uparisaa ata Yesus Kristus wain Anahatana anai.”

Atata 8:37 ပူးပေါင်းရင်းမြစ်များ

Atata 8:36

Sio wason pan arena tihue, oyo osupu waene. Reiso ia mainae iasau, “Masi anoo waene reipo. Nesi sae asi na asohuku na mansiau oanei ata uarihoni we rosau nea?”

Atata 8:38

Oyo iaisosi kareta rei retaehe samatoro uaso osipuso on roe kareta rei. Osipuso oyo, oeuso poe waene rei. Hoka poe oyo, Pilipus isohui.

Markus 16:16

Ia seia wain iparisaa, oyo osohui na mansiau oanei ata iarihon ne rosau nea, Anahatana iapuheui na pene iapasanai. Ne ia seia iparisaa tewa, mka Anahatana iapasanai.

Yohanis 6:68

Ne Petrus iasau osi Yesus. Iahata, “Upu, nanie aeuma tau ia sia honu? Hasae Ano man sahoro asima runa sapan na amahaima akata Anahatana rotu-tu ria supan.

Yohanis 9:35

Yesus iatinu ata sio mainaya rei onei ia wain naone matai usena raputiso rei na pene iheta ami Yahudiu ma numa mainisie. Isupui oyo iasei tanui. Iahata, “Ano parisaa tau Tumata wain Anahatana Ihitiki te tewa?”

Yohanis 11:27

Iahata, “E-e Upu. Uparisaa tanua, Upu. Uparisaa ata Ano mo, Ia Aia wain Anahatana Ihitiki na Iapuheu Mansiau. Ano mo, Anahatana Anai wain itotoe runai na ihokai mai tuniai reini.”

Yohanis 20:31

Ne waron ukanure mo, ukanure na oparisaa ata Yesus mo, Ia Aia wain Anahatana Ihitiki na Iapuheu Mansiau. Ia mo, Anahatana Anai. Ukanu rain pusire oi na oparisaa. Oparisaa na oamahaimo okatai rotu-tu ria supan tau anomo osa nnai.

Atata 2:38

Iahata, “Arihoni mo rosau, oyo ami asohumo na mansiau oanei ata oarihoni no rosau nea. Asohumo sana osa-osa na sio oanei ata anomo osa runa Yesus Kristus. Arihoni mo rosau na Anahatana iuna heure. Oyo asupu Anahatana Ne Inaha wain Anahatana iruiki osia.

Atata 8:12

Ne Pilipus isima na Sou Iake rerihoni Anahatana irime ne mansiau. Iaunauso rerihoni Yesus, Ia Aia wain Anahatana Ihitiki na Iapuheu ne Mansiau. Oparisaa tau Pilipus ne maunauna rai, oyo isohuso na mansiau oanei ata oarihoni no rosau nea. Isohu sio hanaia, sio pinau pusiso.

Atata 8:21

Ano me kawasa tewa na apusu tau ami mani tanei rei. Anomu katopue tewa tau Anahatana matai usena.

Atata 9:20

Ananias isohu heu Saulus ne rosau oyo, mata huni oyo, Saulus ieu iaunauso sui numa manouna osi sio Yahudiu isima iahata, “Yesus mo, ia wain Anahatana anai.”

1 Yohanis 4:15

Ia seia wain iamanaku ata Yesus mo, Anahatana Anai, Anahatana anoi osa runa ia rei. Ia rei iae, iamahaiki anoi osa runa Anahatana oi.

1 Yohanis 5:1

Ia seia wain iparisaa ata Yesus mo, Ia Aia wain Anahatana Ihitiki na Iapuheu Mansiau, ia reimo Amai tau Anahatana. Ia seia wain anoi runa Amari Anahatana, areimo mka anoi runa sio wason no Ama tau Anahatana.

1 Yohanis 5:5

Hasae sio wason oparisaa ata Yesus mo, Anahatana Anai sahoro inesi kua sio kahatena mai tuniai reini.

1 Yohanis 5:10

Reiso sani ia seia iparisaa ata Yesus mo, Anahatana Anai, areimo ianei ia-ia ata sae wan Anahatana isima runai nea rei rerihoni ruai, areimo titue. Ne sani ia seia iparisaa tewa tau sae wan Anahatana isima runai rei, areimo noo sani iasau ata Anahatana mo, iakarota. Tea mo, iparisaa tewa tau sae wan Anahatana isima runa Anai.