Atata 7:10 - Anahatana ne Anamanaya tau Sou Naunue

¹⁰ Inana ne susau pusire rerihoniki. Iuna ia natu Mesir iahata ne hali iake. Tea mo, Anahatana iunai ianei sae waron iaka, sae waron iaka tewa. Iasau pusire iake. Reiso ia natu rei, ihitiki tau mansia mainae. Irui kawasa osiki na isaka Mesir runa ne numau pusire.

Atata 7:10 ပူးပေါင်းရင်းမြစ်များ

2 Timotius 4:18

Reiso uanei ata mka Upuri iakahaiku na inanaku rerihoni pusire waron kahatena ro-rotu-tu iroriku roe noiyaha na uamahaiku rotu-tu ria supan. Iroriku roe noiyaha, irime tuniai on roe rei. Mai, na iainaa runai ro-rotu-tu ria supan. Titue.

Yakobis 5:11

Anomo rapeka runa sio wason oapamese anoo rei. Iahata, “E-e. Iapamese rotu-tu Upuri irui iake osiki maa!” Sio oruni runa Ayub nea. Omi oatinu nea sapani na ia sinsarai ne iparisaa sirinia. Iapamese kuru anoi rotu-tu tau muie, Upuri irui iake osiki honu. Reiso oanei nea. Upuri anoi runata mainae rei, tea!