Atata 3:22 - Anahatana ne Anamanaya tau Sou Naunue

²² Oarihoni mo rosau. Tau sae, naone Musa iasau osi sio Israel san rei, ‘Upumo Anahatana mka iaisosi ia mamsima runa ne anamanaya isa osimo rerihoni ruamo mo mansiau. Ia rei, sani au sirinia. Saka oatinu tau ne anamanaya pusire waron iasau osimo.

Atata 3:22 ပူးပေါင်းရင်းမြစ်များ

Lukas 13:33

Ne rahata repan, hanroe, poua rei, Au mo, kahurae ueu sui osa rotu uhokaku roe kota Yerusalem. Una sani rei tau Anahatana ne sio mamsima runa ne maunauna mo, ohunuso sui nia tamena tewa. Ne ohunuso mo, roe kota Yerusalem. Reiso au iae, kahurae uhokaku roe rei oi.

Lukas 24:19

Yesus iahata, “Sou anamana sae?” Ia rei iahata, “Sou wan rehete rerihoni Yesus, Ia kota Nasaret rei. Ia mo, ia mamsima runa Anahatana ne maunauna isa. Iatuhete tumatau na iuna sima-simana nita-nitaya tau ne kawasa. Sio mansiau na Anahatana iae anoo sanan nnai.

Yohanis 1:17

Tea mo, Anahatana irui ne maunauna osi Musa na isima runare osi rea upu momou. Ne, pusu Yesus Kristus, Anahatana iatuheteta ata, masike ita ipalalosa iae, irui iake mainae osita sirinia. Isima runa sae wan manisate.

Yohanis 12:46

Au wan uhokaku mai tuniai rein na uatuhete Anahatana ne arena osimo. Au sani manahane wan retuhete arena na onoo mosa. Uhokaku na ia seia wain iparisaa tau Au, mka irue iapumonoi tewa nea.

Yohanis 5:24

Oatinu mai ia-ia nanie uasau osimo. Ia sia iatinu sae wani uasau runai reini na iparisaa tau Anahatana wain iaisosiku mo, mka iamahaiki ikata Anahatana rotu-tu ria supan. Mka Anahatana iapasanai tewa nea. Ia wain naone iruei hainau arihon Anahatana mo, muie reini wain iamahaiki ikata Anahatana rotu-tu ria supan nea.

Yohanis 8:12

Yesus ianamana osi sio panesi wason oamanouso roe Anahatana ne numa mainisie nusue rei honu. Iahata, “Au mo, noo sani manahane osi mansia pusiki mai tuniai reini anoo. Nooi sani manahane resita sae man wan noi pumono na inoo mosai. Ia sia man wain ipusu Au mo, mka ieu pusu pumono tewa. Ne ieu pusu manahane. Manahane rei retuhetei sapani na mka iamahaiki ikata Anahatana rotu-tu ria supan.”

Atata 7:37

Musa reini sahoro iasau osi sio Israel, ‘Anahatana mka iaisosi ia mamsima ne anamanaya osimo rerihoni ruamo mo mansiau. Ia rei, sani au. Mka iapuheumo na oamahaimo rotu-tu ria supan.’