Atata 3:20 - Anahatana ne Anamanaya tau Sou Naunue

²⁰ na Upuri ihokai tanumo na oahana mo inahau honua. Mka iaisosi Yesus ihokai tanumo honu. Yesus rei, wain Ia Aia wain Anahatana Ihitiki na Iapuheu ne Mansiau. Naone ihitiki nea.

Atata 3:20 ပူးပေါင်းရင်းမြစ်များ

Markus 13:26

Tau orase rei sirinia mka mansiau onoo Au, Tumata Reini mo, Anahatana Ihitiku uhokaku on roe nante pan yahu anoa. Mka ukaisunu runa we rinane reita-itai runa we kawasa mainae.

Lukas 19:11

Sio panesi wasoni oatinu Yesus ianamana, Yesus iruni matieue isa osiso. Areimo, tau wain haineke kota Yerusalem nea. Tau rei, sio oata kan Anahatana nanie irime ne mansiau nea.

Lukas 21:27

Tau orase rei sirinia mka mansiau onoo Au Tumata Reini mo, Anahatana Ihitiku uhokaku on roe nante pani yahu anoe. Mka ukaisunu runa we rinane reita-itai runa we kawasa mainae.

Atata 17:31

Tau sae, ihete umetene nea na mka iarinii sio tuniai reini pusiso manisate. Iarinii ia sia wain titue na ia sia wain titue tewa. Ia wain mka iariniiso, Anahatana ihitiki nea. Anahatana iapuhaiki honu rerihoni sio matana nea na ita ianei mka iariniita.”

Atata 3:19

Reiso oarihoni mo rosau. Onunimo mai Anahatana na iuna heure,

Atata 3:21

Kahurae iruei roe noiyaha rotu-tu Anahatana iuna pusire sani naone iuna sio mamsima runa ne anamanaya wason manisata onate oasau.

2 Tesalonika 2:2

“Ama. Akahai sio Tesalonika na pene anoo rasama-samaso on sini. Pene anoo rauponu oatinu sio oasau oahata, ‘Upuri Yesus ihokai nea.’” Reiso masike sio umau oasau ata Anahatana Ne Inaha iatuheteso ata Yesus ihokai nea iae, pene anomo rauponu. Masike oasau ata sio oatinu ata ami asau ata ihokai nea iae, pene anomo rauponu. Masike sio oasau ata ami akanu tau surate ata ihokai nea iae, pene anomo rauponu.

2 Tesalonika 2:8

Ineai, samatoro ia kahatene iatuhete ruai. Mka Upuri Yesus ihunui iasau san rei man, “Aeu arihoni tuniai reini.” Mka Upuri Yesus iuna tihoniki pusu ihokai tau ne ita-itane wani rinane eresita.