Atata 3:19 - Anahatana ne Anamanaya tau Sou Naunue

¹⁹ Reiso oarihoni mo rosau. Onunimo mai Anahatana na iuna heure,

Atata 3:19 ပူးပေါင်းရင်းမြစ်များ

Lukas 1:16

Mka iakahai omi Israel panesi na oneni anomo na opusu moa Upu Anahatana honu.

Lukas 22:57

Ne Petrus iahata, “Tewa, ina! Au mo, uationa Ia rei tewa!”

Atata 1:6

Reiso tau sio wason okata Yesus, oasei tanui, “Upu. Ano nanie ahiti ia Israel tau aia sani masuae, na pene ia rakane isa irime ita nea?”

Atata 11:18

Sio oatinu tau rei, oyo oasau tanui tewa nea. Oyo oainaa runa Anahatana. Oasau san rei, “Reiso ita ianei nea ata Anahatana itapi sio wason sio Yahudiu tewa oarihoni no rosau runa oamahaiso rotu-tu ria supan.”

Atata 11:21

Upuri irui kawasa osiso reiso sio panesi oparisaa. Orui ruao osi Upuri na opusui.

Atata 15:3

Reiso sio wason oparisaa poe Antiokhia oaisosi Paulus sio, oyo Paulus sio oeu ohori otoe Penisia runa otoe Samaria. Pani rei sio osima runa sapani na sio wason sio Yahudiu tewa oparisaa tau Yesus nea. Sio wason oparisaa pan rei oatinu tau rei, oyo anoo mirika.

Atata 17:26

Ihaye sio niana pusiso rerihoni ia osa man na sio orueso sui supan-supan man mai tuniai reini. Naone iasau inasa oamahaiso runa orueso supa samatoro oamahaiso.

Atata 2:38

Iahata, “Arihoni mo rosau, oyo ami asohumo na mansiau oanei ata oarihoni no rosau nea. Asohumo sana osa-osa na sio oanei ata anomo osa runa Yesus Kristus. Arihoni mo rosau na Anahatana iuna heure. Oyo asupu Anahatana Ne Inaha wain Anahatana iruiki osia.

Atata 28:27

Mka sio oanei tewa tau openeso oarinii manisate. Openeso oatinu tau tinao ukuna. Openeso onoo tau matao usena. Munata openeso tewa, mka matao usena ranoo oyo oanei. Munata openeso tewa, mka tinao ukuna raatinu oyo oanei. Munata openeso tewa, mka oarinii manisate oyo oanei. Oanei, oyo anoo rauni rapusu au na au una heu no rosau.’

Atata 3:20

na Upuri ihokai tanumo na oahana mo inahau honua. Mka iaisosi Yesus ihokai tanumo honu. Yesus rei, wain Ia Aia wain Anahatana Ihitiki na Iapuheu ne Mansiau. Naone ihitiki nea.

Atata 3:21

Kahurae iruei roe noiyaha rotu-tu Anahatana iuna pusire sani naone iuna sio mamsima runa ne anamanaya wason manisata onate oasau.

2 Tesalonika 1:10

Mka ihokai oyo iapasanaso san rei. Erelai umetene wani Anahatana ihetei oyo, ihokai na ne mansiau oainaa runai oasau oahata, “Ee. Mania Upu Yesus. Ano ahokaya nea. Arime tuniai reini nea. Ausi mani rosau nea. Reiso ami ainaa runaya.” Mka omi oi oainaa runai. Tau sae, omi oparisaa tau mani maunauna.

2 Tesalonika 1:7

Iuna manisate, mka sio ounamo sinsaramo tewa nea. Omi runa ami, pusita ututa. Mka Anahatana ineteso. Mka Upuri Yesus isipui on roe noiyaha, runa ne maisosia on roe noiyaha wason no kawasa. Oyo iatuhete ruai pan usa anoe. Usa wani ereai mainae. Iatuhete ruai runa ne maisosia rei.

2 Timotius 2:25

Kahurae iatuhete tau manne sio wason onesiki. Kahurae iatuheteso tau manne na kani Anahatana mka iunaso oarihoni no rosau runa oparisaa maunau titue.