Atata 3:13 - Anahatana ne Anamanaya tau Sou Naunue

¹³ Anahatana wain Abraham, Isak, Yakup, runa rea momou rea upu pusiso oainaa runai iuna mainae tau Yesus, ia ne manorine nea. Yesus rei, omi oruiki osi sio wason no kawasa ohunui. Pilatus nanie ialapasiki ne omi openemo.

Atata 3:13 ပူးပေါင်းရင်းမြစ်များ

Markus 15:11

Ne sio imam no sio mainaya rei oasau osi sio panesi rei ata, “Oainisi na ihoka Barabas. Pene oainisi na ihoka Yesus.” Reiso oainisi Barabas.

Lukas 22:57

Ne Petrus iahata, “Tewa, ina! Au mo, uationa Ia rei tewa!”

Lukas 23:4

Oyo Pilatus iasau osi sio imam no sio mainaya runa sio panesi rei, “Usupu ne isanae isa tewa.”

Lukas 6:37

Yesus wain iaunau ne mampusua. Iahata, “Pene amanaru sio umau, na pene Anahatana iamanarumo oi. Pene oapasana sio umau, na pene Anahatana iapasanamo oi. Pene anomo rasaa tau sio wasoni ouna sana tanumo, na Anahatana iae anoi eresaa tanumo tewa.

Yohanis 12:16

Mataanoe, ami ne mampusua, anei tewa ata ikanu rerihoni sia. Ne, tau Yesus panokoi, oyo Anahatana iapusaai na roe noiyaha samatoro anei ata sae wan ikanui reimo, rerihon Yesus na sae waron ounare osiki.

Yohanis 18:40

Sio panesi rei oatinu Pilatus iasau san rei oyo oakapona oasau ata, “Pene, pene hoka Ia! Hoka Barabas osima man!” Barabas mo, inusu pui tau inesi sio Romau na pene orime sio Israel.

Yohanis 19:11

Oyo Yesus iahata, “Ano me kawasa mo, Anahatana sahoro iruiki osia. Reiso ano me kawasa tau Au, hasae sani Anahatana iruiki. Reiso ia wain iruiku osia sahoro ne rosa mainae renesi ano.”

Yohanis 19:12

Pilatus iatinu san rei oyo inina arena na ialapasi Yesus. Ne sio ona Yahudiu rei oakapona sui osa oahata, “Ia seia man wain iasau ata ia mo, ia aia, areimo ia rei inesi ia Aia Mainae Roma. Reiso sani alapasi Ia reno, areimo anesi ia Aia Mainae oi.”

Yohanis 19:15

Ne oakapona ata, “Hunui! Hunui! Rorui roe hini!” Pilatus iasei ata, “Onina na uroru mo Ia Aia roe hini si?” Ne sio imam no sio mainaya oahata, “Ami mo, ma aia tau Ia Aia Mainae Roma. Ma aia tamene isa tewa nea.”

Yohanis 7:39

Yesus waimo ianamana rerihoni Anahatana ne Inaha. Sio wason oparisaa tau Yesus mo, mka Anahatana irui ne Inaha osiso. Ne Anahatana iruiki tewasi tau Yesus imatai na isaa isupu muiran manetane roe noiyaha tewasi.”

Atata 22:14

Oyo iasau osiku, ‘Anahatana wain rea upu oainaa runai iroma ano nea na anei ne maue. Iromaya na anoo Ia wain Anahatana Iratiki Iapuheuso wain anoi manisate, runa atinu nioi pannuhu ianamana osia.

Atata 24:14

Ne uasau ata sae wani titue wan san rei. Uainisi uainaa runa Anahatana wain mania upu, sio Yahudiu, oainaa runai oi. Au uainaa runai pusu Yesus ne maunauna waron sio Yahudiu oasau ata waron titue tewa. Runa uparisaa tau Musa ne maunauna runa sio mamsima runa Anahatana ne anamanaya no maunauna sirinia.

Atata 3:12

Petrus inooso, oyo iasau osiso san rei, “Omi Israel. Osira tau rei, nanie tahae? Oasumatama, nanie tahae? Oahata ia reini wain ieui tau ami ruama mani kawasa te? Tau ami manisata onate te?

Atata 3:26

Reiso Anahatana inini Yesus tau ne manorine, oyo iaisosiki ihokai mai tanumo naone na irui iake osimo. Irui iake rei tau iunamo oarihoni mo arena kahatena rai.”

Atata 4:27

Poe oyo, ereeu sani iasau rei sirinia. Herodes runa Pontius Pilatus oamanouso mai kota reini nea. Oamanouso runa sio wason oationa Anahatana tewa runa sio Israel oi. Oamanouso nanie otuntana runa me manorine, Yesus wain ia manisate onate rei. Ia rei, ano ahitiki tau Ia Anahatana Iratiki Iapuheuso nea.

Atata 4:30

Atuheteso rerihoni me kawasa sapan. Asuisene sio kupua, auna sima-simana tau me kawasa runa sima-simana raasiraso runa kawasa rerihoni ahete Yesus nanai. Yesus me manorine wain manisate onate.”

Atata 7:32

‘Au wani Anahatana tau me upu. Au Anahatana wan Abraham, Isak, na Yakup oainaa nnaku.’ Musa ikaitau hunu ruai, reiso ikana-kananunui. Ikaitau reiso ipenei inoo ai rei nea.