Atata 27:24 - Anahatana ne Anamanaya tau Sou Naunue

²⁴ oyo iasau, ‘Paulus. Pene anom reuponu. Kahurae ano amanane ia Natu Kaisar. Atinu. Anahatana anoi iake tau ano reiso sio wason osaa kapane rei okataya mka oamahaiso oi.’

Atata 27:24 ပူးပေါင်းရင်းမြစ်များ

Yohanis 11:9

Ne Yesus nanie iasau ata sani sae isa remunai, areimo pusu Amai ne maue. Reiso iahata, “Ranie hatae osa, ranie resita yam hutusa rahana ua. Reiso sani ieu tau ranie mo, mka iamasiru tewa tau inoo mosa arena.

Atata 19:21

Areimo san rei, oyo Paulus iapamata sou pusu Anahatana Ne Inaha nanie ieui sui otoe Makedonia runa otoe Akhaya rotu-tu ihokai roe kota Yerusalem. Iasau, “Mka au uhokaku roe Yerusalem, oyo kahurae ueuku roe kota Roma oi.”

Atata 23:11

Pumono pan san rei oyo, Upuri Yesus ihokai iooi mai Paulus nusui. Iahata, “Paulus, apamese anom. Ano asima rerihoni au mai kota Yerusalem nea. Asaka asima runa au roe kota Roma oi.”

Atata 25:11

Au we isanae mtinte isa tewa. Isanae mtinte wani kahurae oapasanaku ohunuku tanui. Sinana au we isanae mtinte na kahurae ohunuku, ohunuku, areimo iake. Au uainisi tewa na pene ohunuku. Ne sio oamanaru oakarota, reiso sio no kawasa oruiku osi sio Yahudiu rei tewa. Au uainisi na ia natu Kaisar Roma ruai iasei tanuku na iasau ata kani we isanae te tewa.”

Atata 27:31

Ne Paulus iasau osi ia kapitane tau sio soratatua utuni runa sio soratatua, “Munata sio rei okata kapane rei tewa, omi pusimo mka oamahaimo tewa.”

Atata 27:37

Ami pusima noi kapane anoe, ami utuni ua hutu itu rahana nome.

Atata 27:42

Reiso sio soratatua oheu nanie ohunu sio wason sio osakaso na pene oakinanuso rotu-tu ohokaso ria muni, oyo orumaso.

Atata 27:44

Sio wason oanei oakinanu tewa orime ai inata rerihoni kapane rotu-tu ohokaso ria muni. Reiso ahokama ria muni pusima amahaima.

Atata 9:15

Ne Upuri iasau san rei, “Masi aeua. Au mo, unini ia rei nea na ianori runaku. Mka isima runa au osi sio wason oationa Anahatana tewa, osi sio no aiau, runa sio Israel oi.

Pilemon 1:22

Nanie uainisi sae isa honu arihonia. Hitio naniam isa wamo huie mo, aseka tanui osiku na urueku ukataya. Tea mo, omi oainisi tau Anahatana na uhokaku pan tanumo honu. Reiso uparisaa ata mka Upuri iatinu tau mo mainisia rai.

Yakobis 5:16

Reiso saka oamanaku mo rosau osi umau oyo oainisi osi umau. Oamanaku oyo oainisi na Upuri iapuheumo. Sani ia wain anoi manisate iainisi mo, mka Anahatana iatinu. Reiso ita inoo Anahatana ne kawasa nea rei, tea!