Atata 26:1 - Anahatana ne Anamanaya tau Sou Naunue

¹ Oyo Agripa iasau osi Paulus, “Au utapia anamana anete ruam.” Reiso Paulus iatieu, oyo ianamana inete ruai.

Atata 26:1 ပူးပေါင်းရင်းမြစ်များ

Yohanis 7:51

“We amau. Ita mo, pusu Anahatana ne maunauna waron Musa ikanre rei kahurae iarinii ia isa ia-ia naone ee. Iasei tanui oyo iatinu tanui samatoro iapasanai sani resana.”

Atata 22:1

“Wea amau, wea kakau, wea waniu. Oatinu na uanamana unete ruaku.”

Atata 25:16

Ne uasau osiso ata ami, Ia Aia Mainae Roma ne mansiau, piasa atapi ia wain sio oamanarui iamanane sio wason oamanarui rei na ianamana inete ruai. Inete ruai samatoro ami asau ata kani isana te tewa.

Atata 25:27

Uahana iake tewa kani uaisosi ia isa wain sio oaresiki na ieui roe Ia Aia Mainae Roma kani usima tewa rerihoni sio oamanarui sapan. Kahurae usima rerihoni ne isanae sae.”

Atata 26:2

“Tapea, upuku, Aia Agripa. Au uahana au we untu tau au bisa uanamana unete ruaku osia ranie hatae reini. Unete ruaku rerihoni pusire waron sio Yahudiu oamanaruku tanure.

Atata 9:15

Ne Upuri iasau san rei, “Masi aeua. Au mo, unini ia rei nea na ianori runaku. Mka isima runa au osi sio wason oationa Anahatana tewa, osi sio no aiau, runa sio Israel oi.