Atata 23:10 - Anahatana ne Anamanaya tau Sou Naunue

¹⁰ Sio otuntana mainae nai osa rotu-tu ia mainae tau Ia Aia Mainae Roma ne soratatua ikaitau mka sio oakinene Paulus. Reiso iaisosi ne soratatua oeuso poe, onanai rerihoni sio panesi rei, oyo ororiki roe no numa hatu honu.

Atata 23:10 ပူးပေါင်းရင်းမြစ်များ

Atata 21:37

Sio soratatua nanie onusu Paulus pan no numa hatu nea, oyo iasei tau ia mainae tau Ia Aia Mainae Roma ne soratatua rei, “Au bisa uasau sae isa osia?” Ia mainae on poe iasei, “Ano anei sou Yunani oi?

Atata 22:24

Reiso ia mainae tau Ia Aia Mainae Roma ne soratatua rei iaisosiso orori Paulus pan no numa hatu rei. Oyo iaisosi sio soratatua oasei tanui runa osapui tau awane unie. Osapui na ianei sio hutue wason oakapona tanui tau ne isanae sae.

Atata 23:16

Ne Paulus etei (hotai anai) iatinu ata sio oheu nanie ohunui. Reiso ieui roe sio soratatua no numa hatu, oyo isima osi Paulus.

Atata 23:27

Ia reini, sio Yahudiu osotai, oyo sina ohunui. Ne uhokaku runa sio soratatua umau, oyo usupuso, oyo unanai rerihoni sio Yahudiu rei. Tau sae, au uatinu ata ia ne kawasa sani Ia Aia Mainae Roma ne mansiau.

Atata 23:28

Au nanie uanei sio wason oamanarui tau sae, reiso uroriki roe sio ona Yahudiu.

Atata 23:32

Hanroe oyo, sio wason osaa naitanana osaa okata Paulus. Ne sio soratatua wason onena onuniso roe no numa hatu roe Yerusalem honu.

Atata 24:7

Ne ia mainae tau Ia Aia Mainae Roma ne soratatua iwahui rerihonima,

Yakobis 1:19

Wea kakau waniu, hutu nohue wani anoku runamo. Anomo rapeka. Ita kahurae iatinu ia-ia samatoro ianamana. Pene anori rasaa rapu.

Yakobis 3:14

Ne sani munata oanana mainae runa onina nanamo, areimo pene ouna ruamo omi mainaya. Pene oahata, “Au oo! Au mo, uanei.” Sani oasau san rei mo, oakarota.