Atata 22:5 - Anahatana ne Anamanaya tau Sou Naunue

⁵ Sio imam no ia mainae runa sio ona Yahudi nesia rei pusiso bisa osima ata areimo titue. Uakarota tewa. Usupu surata rerihoni sio onata rei osi rea kakau, rea waniu poe kota Damsyik na ueuku poe kota rei, na unota sio wason oparisaa tau Yesus poe rei. Unotaso oyo, ukanihooso samatoro uroriso mai Yerusalem na sio oapasanaso.

Atata 22:5 ပူးပေါင်းရင်းမြစ်များ

Lukas 22:66

Nene omnanoe tunne san rei, sio saniriu oamanouso. Sio reimo, sio imam no sio mainaya na sio matuhete Musa ne maunauna. Oamanouso, oyo sio mamsakaya orori Yesus mai tanso.

Atata 1:15

Tau sio wason oamanouso, Petrus ihitioi roe, nanie ianamana osiso. Sio rei, sio utuni hutu ua. Reiso Petrus iasau san rei,

Atata 13:26

Wea kakau, wea waniu. Abraham nea upu runa omi tamena wani oamuira Anahatana! Anahatana iauwatu maunaune rerihoni ia rei wain iapuheuso na oamahaiso rotu-tu ria supan. Iauwatu maunaune osi ita nea.

Atata 2:29

Wea kakau, wea waniu. Unina na oanei ia-ia rerihoni upuri wain nanai aia Daud. Daud imatai, okaniki nea. Ia ne kupuro wani asi.

Atata 22:1

“Wea amau, wea kakau, wea waniu. Oatinu na uanamana unete ruaku.”

Atata 23:1

Paulus iamrou sio onata rei, oyo iasau, “Wea kakau, wea waniu. Rotu-tu reini uarinii rerihoni uamahaiku sapan. Uamahaiku manisate. Upusu Anahatana ne maunauna pusire.”

Atata 23:6

Paulus anoi repeka ata sio onata umau, sio rerihoni tikane Sadukiu runa sio tamena, sio rerihoni tikane sio onata rerihoni akama Yahudi. Reiso iasau osiso san rei, “Wea kakau, wea waniu. Au wani ia onate rerihoni akama Yahudi. Wea upu, sio onata rerihoni akama Yahudi oi. Omi wani oasei tanuku tau au uparisaa ata Anahatana iapuhai sio matana.”

Atata 26:10

Reiso unesiso roe kota Yerusalem. Sio imam onata orui kawasa osiku na unusu Anahatana ne mansiau pan pui anoe. Sio ohunu sio wason oparisaa rei, au uasau ata iake.

Atata 26:11

Una sinsaraso sui numa mananouna osi sio Yahudiu runa utentene tanso na orati sohi Yesus. Anoku titie mainae tau sio reiso ueu sui kotau sui sio rakana usuiso na una sinsaraso.

Atata 26:12

Reiso nai osa wani ueuku poe Damsyik. Urori sura kawasae arihoni sio imam onata na una sinsara sio wason oparisaa tau Yesus.

Atata 28:17

Paulus wairo kota Roma onona tonu nea oyo, ianaha runa sio ona Yahudiu ohokaso noi tanui. Hoka poe oamanouso samatoro Paulus iasau san rei, “Wea kakau, wea waniu. Masike au una sae isa tewa na unesi ita Yahudiu. Masike au una sae isa tewa wani rei monna ita isupure rerihoni rea upu rasopota iae, sio Yahudiu roe Yerusalem oaisosiso osotaku, oyo oruiku osi sio wason Ia Aia Mainae mai Roma iaisosiso.

Atata 28:21

Oyo sio ona Yahudiu oasau osiki san rei, “Ami asupu surate isa on pan Yudea tewa, mai resima runa ano. Ia Yahudi isa tewa ihokai isima runaya. Ia isa iamanarua osi ami reini tewa.

Atata 3:17

Wea kakau, wea waniu. Uanei nea ata omi runa sio ona Yahudiu ouna san reini mo, tau oanei tewa ata Yesus wain Ia Anahatana Iratiki Iapuheuso.

Atata 4:5

Hanu roe oyo, sio imam no siniriu, sio matuhete Musa ne maunauna runa sio ona Yahudi nesia rei oamanouso mai kota Yerusalem.

Atata 5:21

Reiso tau kinoke, ohokaso roe Anahatana ne numa rei, oyo oatuhete sani ia maisosie iaisosiso rei. Sio imam no ia mainae runa ne mansiau ohokaso nanie oapisara. Reiso oanaha runa sio ona Yahudi nesia pusiso, samatoro oaisosi sio umau oeu onana sio maisosia na oasei tanso.

Atata 9:14

Muie reini mo ihokai mai runa kawasa rerihoni sio imam onata na isota sio pusiso wason oainisi na ano akahaiso.”

Pilipi 3:6

Usaka maunauna rai pusi anoku rotu-tu una sio wason oparisaa tau Kristus okahi-kahiso. Unaso okahi-kahiso, areimo uahata kani nanie opesi maunauna rai. Upusu maunauna rai ia-ia rotu-tu ia isa mka iasau tewa ata upusu maunauna rai tewa.

1 Timotius 4:14

Pene ahanamata anana me taneiu waron Anahatana irui kawasa osia na ananare. Irui kawasa osia pusu sio onata tau sio wason oparisaa osima runa sapani na mka pan muie anori runa Anahatana runa oahusiea.