Atata 21:13 - Anahatana ne Anamanaya tau Sou Naunue

¹³ Ne Paulus on poe iasau, “Omi wani orani ouna anoku karake na pene ueuku roe Yerusalem, nanie tahae? Masike sio onusuku pan pui anoe, oyo ohunuku tau upusu Upuri Yesus iae, au nanie ueuku roe rei sirinia.”

Atata 21:13 ပူးပေါင်းရင်းမြစ်များ

Yunus 1:6

Ne Yunus mo, waipo inekei asi. Oyo ia mainae tau kapane rei isipui poe kapane anoe rei, isira tau Yunus waipo inekei. Reiso ihanui. Iahata, “He. Ano mo, anekea iake maa! Ahanu. Na ainisi tau me Anahatana na hitio anoi runata na iakahaita na pene imokota.”

Atata 20:24

Ne ukaitau tewa rerihoni mka umataku. Hete nanie unana we tanei pusiki wani usupui on roe Upuri Yesus. We tanei rei, areimo usima runa Sou Iake rerihoni sapani na Anahatana irui iake mainae osiso.

Atata 20:37

Sio pusiso orani. Orani oyo, oatipuniki runa omukiki nanie oauhaai.

Atata 5:41

Reiso ohokaso oarihoni sio onata rei. Oeuso anoo miri-mirika. Tau sae, Anahatana iahata sio iaka, reiso itapiso ouna sinsaraso noso Yesus.

Atata 9:16

Au mo, mka uatuhetei sapani na kahurae sinsarai tau iparisaa tau au.”

Pilipi 2:17

Masike sio kupania ohunuku na we nasi erenia sani tihu anggur wan sio ohui osi Anahatana iae, anoku miri-mirike sirinia. Omi mo, oparisaa tau Kristus ia-ia, reiso orui ruamo osi Anahatana, noo sani okenu makapanau na oruire osi Anahatana. Orui ruamo, areimo opusu Anahatana ne maue. Orui ruamo osi Anahatana sani au ruaku, reiso anoku miri-mirike.

Pilipi 2:26

Ne anoi ererihu runamo sirinia, reiso nanie uaisosiki inuniki noi tanumo honu. Anoi runamo tau ianei ata omi oatinu ata ikupui.

2 Timotius 1:4

Anoku erepeka runa sapani na ita iauhaa umau, oyo matam waena. Reiso anoku ererihu runaya. Nanie usupua na mka anoku miri-mirike.

2 Timotius 4:6

Tau sae? Au mo, urui ruaku na umataku pusu Anahatana ne maue. Areimo sani sio ohu tihu poe tuamane osi Anahatana pusu Anahatana ne maue.