Atata 20:4 - Anahatana ne Anamanaya tau Sou Naunue

⁴ Sio umau oeu okata Paulus. Sio reimo wason: Sopater, (amai tau Pirus, ia Berea), Aristarkhus, Sekundus, (ia Tesalonika), Gayus, (ia Derbe), Timotius, Tikhikus, (on pan otoe Asia) Trofimus, (on pan otoe Asia oi).

Atata 20:4 ပူးပေါင်းရင်းမြစ်များ

Atata 14:20

Ne sio mampusua ohoriki, oyo ihitio roe, oyo inusui pan niane rei honu. Hanu roe oyo, ieui pan nia Derbe ikata Barnabas.

Atata 14:6

Ne uaso oatinu rerihoni kaheute rei, reiso orumaso nau nia Listra, nia Derbe runa otoe Likaonia pusiki.

Atata 16:1

Paulus ieu ikata Silas honu rotu-tu ihokai poe nia Derbe, oyo ieui poe nia Listra. Hoka poe oyo, isupu ia mampusue isa nanai Timotius. Inai, ia Yahudi. Iparisaa tau Yesus nea. Ne amai, ia Yunani.

Atata 16:6

Anahatana Ne Inaha isopo na pene Paulus sio oaunauso tau Anahatana ne anamanaya nau otoe Asia. Reiso oeuso ria otoe Prigia runa otoe Galatia.

Atata 17:1

Paulus runa Silas oeuso honu oniku nia Amfipolis runa nia Apolonia rotu-tu ohokaso poe kota Tesalonika. Poe kota rei, sio Yahudiu no numa mananoune isa wapo.

Atata 17:13

Sio Yahudiu pan Tesalonika oatinu ata Paulus wain isima na Anahatana ne anamanaya osi sio poe Berea oi, oyo sio umau ohoka poe. Ohoka poe, nanie ouna sio poe rei ouna purie runa openeso tau Paulus.

Atata 19:29

Oyo sio rei runa sio panesi honu oeu ouna purie sui kota rei. Sio osota Gayus runa Aristarkhus, sio Makedoniau wason oeu okata Paulus, oyo onesa uaso. Oyo pusiso oamanouso tau osa orumaso roe tihue wani sio hutua pan kota rei oamanouso tanui.

Atata 2:9

Ita reini rerihoni: otoe Partia, otoe Media, otoe Elam, otoe Mesopotamia, otoe Yudea, otoe Kapadokia, otoe Pontus, otoe Asia,

Atata 20:16

Paulus iapamata sou nea nanie isaa iniku Epesus na pene iapuari pan otoe Asia. Nanie ieu rapu na ihokai roe Yerusalem tau ranie hatae mainae rei sio oaoiki tau Pentakosta.

Atata 20:18

Sio ohokaso mai tanui oyo iasau osiso, “Wea amau, wea kakau, wea waniu. Omi oanei nea sapani na uamahaiku kua omi tihue on ranie hatae mataanoe uhokaku mai Asia rotu-tu reini.

Atata 21:29

Sio oasau san rei tau naone sio onoo Trofimus, ia Epesus, ieu ikata Paulus sui kota rei. Anoo ranoa ata Paulus ieu ikatai mai Anahatana ne numa mainisie nene nusue oi.

Atata 27:2

Au, Lukas, uhokaku poe Paulus, oyo ami asaa kapane wani rehokai on nau Adramitium. Kapane rei nanie reeu rehori namana sui otoe Asia. Ami asaa roe, oyo kapane rei reruma. Aristarkhus, ia Makedonia on pan nia Tesalonika, isaa ikatama oi.

Pilipi 2:19

Uparisaa ata potuina tewa nea Upuri Yesus itapiku na uaisosi Timotius ieui noi tanumo. Mka ihokai noi tanumo samatoro iruni runa au osimo na pene anomo rauponu runaku. Iruni samatoro inuniki mai tanuku, isima runamo ata omi noi rei iake na pene anoku reuponu runamo oi.

1 Timotius 1:1

Osi anaku Timotius. Au, Paulus, ukanu surate rei. Au Yesus ne maisosie wani Kristus Yesus runa Anahatana oaisosiku. Anahatana iapuheuta na pene iapasanata. Kristus Yesus wain ita iparisaai.

2 Timotius 1:2

Ukanu surate rei osia, Timotius, anaku wani anoku runaya. Uainisi tau Amari Anahatana runa Upuri Kristus Yesus san rei, “Ama. Upuku Yesus. Masike Timotius ipalalosa iae, orui iake mainae osiki sirinia. Anomo runaya. Ounai ikarihuru iamahai.”

2 Timotius 4:12

Aeu mai tau uaisosi Tikhikus pan niane Epesus nea.

2 Timotius 4:20

Erastus ipusu au on pan niane Korintus tewa. Waipan iruei pan rei asi. Trofimus, uarihoniki pan niane Miletus tau ikupui.

Titus 3:12

Mka uaisosi Artemas te Tikhikus pan tanua. Mka ihokai pan, oyo anina ia-ia na ahoka mai tanuku sansana, mai niane Nikopolis. Tau sae, uapamata sou nanie uru-rueku mai rei rotu-tu musum mahatane pusiki.

Pilemon 1:24

Markus, Aristarkus, Demas, runa Lukas oauwatu tapeae osia oi. Sio reimo oakahaiku osima runa Yesus.

3 Yohanis 1:1

Osi Gayus, we neta wain anoku runaya mainae. Surate reini mo, arihoni au wan au mainae tau sio wason oparisaa tau Kristus.